ದಿವ್ಯಶ್ರೀ ಹೆಗಡೆ ಹೊಸ ಕವಿತೆ-ಬುದ್ಧನಾಗಬೇಕು ನಾನು

 ದಿವ್ಯಶ್ರೀ ಹೆಗಡೆ

**

ಬುದ್ಧನಾಗಬೇಕು ನಾನು

ರಾಜನಾಗಿ ಮೆರೆಯಲು,

ಐಶ್ವರ್ಯಗಳ ಒಡೆಯನಾಗಲು,

ವೈಭೋಗಗಳನ್ನು ಸುಖಿಸಲು,

ಬಂಗಾರದರಮನೆಯಲಿ ಬದುಕಲು,

ಬುದ್ಧ, ಬುದ್ಧನಾಗುವ ಮೊದಲು ಇರುವಂತೆ

ಇದಾವುದು ಅಲ್ಲವೇ ಅಲ್ಲವಲ್ಲಾ.

ಬುದ್ಧನಾಗಲು.

ಬಡ ಮುದುಕನ ಕಂಡಾಗ

ಈ ಯೌವ್ವನ ಕ್ಷಣಿಕ ಎಂದೆನಿಸಲು.

ರೋಗಿ ಕಂಡಾಗ,

ಅರಮನೆಯ ವೈಭವದಿಂದ

ವೈರಾಗ್ಯ ಬರಲು.

ಸತ್ತ ಹೆಣ ಕಂಡಾಗ,

ಜೀವನದ ಆತ್ಮ ಪರಮಾತ್ಮ ಸಮ್ಮಿಲನಗಳ

ಧನ್ಯತೆಯ ನೆನೆಯಲು.

ಬುದ್ಧನಾಗಬೇಕು?

ಬುದ್ಧನೆ ಆಗಬೇಕೆಂದಿಲ್ಲ

ವೈರಾಗ್ಯ, ಮುಕ್ತಿಗೆ.

ಆದರೆ ಅವನಂತೆ

ಬದ್ಧನಾಗಿರಬೇಕು.

ಅಂಗುಲಿಮಾಲನoತ ರಕ್ಕಸ

ಕಂಡಾಗಲೂ,

ಅದೇ ಮಂದಸ್ಮಿತವದನನಾಗಿ.

ರಾಜ ವೈಭೋಗ ಕಣ್ಮುಂದಿದ್ದರೂ

ಕಿಂಚಿತ್ ಆಶೆ ಎಂಬುದಿಲ್ಲದೆ.

ಹೆಂಡಿರು ಮಕ್ಕಳು ಎದುರಿದ್ದರೂ

ಮೋಹದ ಪಾಶವಿಲ್ಲದೆ.

ನಿಶ್ಚಲನಾಗಿ, ನಿಶ್ಚಿಂತನಾಗಿ

ದೃಡಚಿತ್ತನಾಗಿರಬೇಕು

ಬುದ್ಧನಾಗಲು.

ಕಾಯ ಕಲ್ಪಗಳಿಗೆ

ಬದ್ಧನಾಗಿರಬೇಕು

ಬದುಕ ಕಲಿಯಬೇಕು

ಬುದ್ಧನಂತಹ ಬಾಳ ಬದುಕಲು

ಬದ್ಧನಾಗಿರಬೇಕು

ಆದರೂ ಬುದ್ಧನಂತಿರಬೇಕು

ಬುದ್ದಿ ಹೇಳಲು.

ಹಾ! ನಾನು ಬುದ್ಧನಾಗಲು ಬುದ್ಧನಾಗುವ

ಆಸೆ ಮೊದಲು ಬಿಡಬೇಕು.

‍ಲೇಖಕರು avadhi

January 2, 2024

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: