” Life in reverse” ಎಂಬ George Carlin ನ ಈ ಪದ್ಯ “ಸಾವಿ”ನಿಂದ ಶುರುವಾಗಿ ‘ಹುಟ್ಟಿ’ ನಲ್ಲಿ ಕೊನೆಗೊಳ್ಳಬಹುದಾದ ನಮ್ಮ ಜೀವನದ ಬಗ್ಗೆ ಸೊಗಸಾದ ಕಲ್ಪನೆ. ಓದಿ ನೋಡಿ ಸದ್ಯದ ನಿಮ್ಮ ಹಂತ ವನ್ನು ಪರೀಕ್ಷಿಸಿಕೊಳ್ಳಿ.

ಕನ್ನಡಕ್ಕೆ : ಶಿವಕುಮಾರ್ ಮಾವಲಿ

ಮುಂದೆ ಮುಂದೆ ಓಡುವ
ಜೀವನಕ್ರಮವನ್ನು ಒಮ್ಮೆ ಹಿಮ್ಮುಖವಾಗಿಸಿದರೆ
ಈ ಮುಂದಿನಂತಿರುತ್ತದೆ ;

ಸಂಭವಿಸಬೇಕು ಸಾವು ಮೊದಲು
ಆಮೇಲಿನ ಜೀವನ ಸಲೀಸು.
ಕಳೆಯಬೇಕು ಒಂದಿಪ್ಪತ್ತು ವರುಷಗಳ
ವೃದ್ಧಾಶ್ರಮ ಜೀವನ, ವೃದ್ಧಾಪ್ಯ ವೇತನ…

ಜವ್ವನಿಗನಾದಂತೆ ಒದ್ದೋಡಿಸಬೇಕು ಅಶ್ರಮದಿಂದ
ನೇರ ಕಾರ್ಖಾನೆ ಕೆಲಸಕ್ಕೆ,
ಕೈಯಲ್ಲಿ ಬಂಗಾರದ ವಾಚು,
ಕಾರು, ಬೈಕು, ಸೂಟು, ಸೆಂಟು…

ಹೀಗೆ ದುಡಿದು ದಣಿಯಬೇಕು
ನಾಲ್ಕು ದಶಕಗಳ ಕಾಲ…
ಉಕ್ಕಿ ಬರುತ್ತದಲ್ಲ ಹರೆಯ, ಆಗ
ದುಡಿಮೆಗೆ ನಿವೃತ್ತಿ ಹೇಳುತ್ತ , ಪಿಂಚಣಿ ಪಡೆಯುತ್ತ;
ಕಾಲೇಜ್ ಸೇರಿ ಕುಣಿದು, ಕುಡಿದು,ಕುಪ್ಪಳಿಸಿ,
ಪಿಂಚಣಿ ಹಣ ಕೈಯಲ್ಲಿರಲು, ಸ್ವರ್ಗಕ್ಕೆ ಕಿಚ್ಚು ಹಚ್ಚಿಸಿ
ಇನ್ನೂ ಚಿಕ್ಕವರಾಗಿ ಶಾಲೆಯೊಂದನು ಸೇರಿ
ಆಡುತ್ತ, ಹಾಡುತ್ತ,ಓದುತ್ತ, ಜವಾಬ್ದಾರಿಗಳ ಪೊರೆ ಕಳಚುತ್ತ…

ಹುಡುಗನೋ, ಹುಡುಗಿಯೋ ಏನಾದರೊಂದು ಆಗಿ,
ಪುಟ್ಟ ಪುಟ್ಟ ಹೆಜ್ಜೆಯಿಟ್ಟು,ತೊದಲು ನುಡಿದು,ಮೊಲೆ ಕುಡಿದು
ಸೇರಿಬಿಟ್ಟರಾಯ್ತು ಅಮ್ಮನ ಗರ್ಭದೊಳಗೆ
ನವಮಾಸ ಅಲ್ಲಿಯೇ ನಲಿದಾಡಿ
ಕಳೆದರಾಯ್ತು ಅಂತಿಮ ದಿನಗಳನ್ನು ಅಮ್ಮನ ಉದರದಲ್ಲಿ
ಮತ್ತೆ ಮಿಂಚಿದರಾಯ್ತು ಯಾರದೋ ಹೊಳೆವ ಕಂಗಳಲ್ಲಿ …

Life in reverse By George Carlin

“The most unfair thing about life is the way it ends.
I mean, life is tough. It takes up a lot of your time.
What do you get at the end of it?
A death.
What’s that, a bonus?
I think the life cycle is all backwards.
You should die first; get it out of the way.
Then you live in an old age home.
You get kicked out when you’re too young, you get a gold watch,
you go to work.
You work forty years until you’re young enough to enjoy your retirement.
You drink alcohol, you party,
you get ready for high school.
You go to grade school, you become a kid, you play, you have no responsibilities, you become a little baby, you go back into the womb,
You spend your last nine months floating…
Then you finish off as an orgasm.”