ಕಾರುಣ್ಯದ ಒರತೆ…

ಸ್ವಭಾವ ಕೋಳಗುಂದ

ಕೊಟ್ಟಿಗೆಯ ಕರುವಿನ
ಕೂಗು ಕಾರುಣ್ಯದ ಒರತೆ

ಅವ್ವನ ಕೈತುತ್ತು
ಅಪ್ಪನ ಬೆವರ ಹನಿ
ಇವಳ ಅಪ್ಪುಗೆ
ಕಂದನ ಹೊಳೆವ ಕಣ್ಣು
ಕಾರುಣ್ಯದ ನಿಧಿ

ಕುಳ ಬಗೆದ ನೆಲ
ಹದಗೊಂದು ನುಂಗಿದ ಬೀಜ
ಕುಡಿಯೊಡೆದು ಎಲೆ
ತೆನೆದೂಗಿದ ಘಳಿಗೆ
ಕಾರುಣ್ಯದ ಪೈರು

ನೈವೇದ್ಯ ಮಾಡಿದ ಎಡೆ
ಜಂಗಮನ ಹಸಿವ ನೀಗಿದ
ಕ್ಷಣ ಕಾರುಣ್ಯದ ಸಾರ್ಥಕತೆ

ಬೊಚ್ಚು ಬಾಯಿಗಳ
ಕೋಲುಗೈಗಳು
ನಡುಗಿ ಭರವಸೆಯ ಬಿಗಿ
ಹಿಡಿದ ಧೈರ್ಯವೇ ಕಾರುಣ್ಯದ ಬೆಳಕು

ತೊದಲು ಕಂದನ
ಅಂಬೆಗಾಲಿನ ಪಯಣ
ಹೊಸಿಲು ದಾಟಿದ ಪರಿಯೇ
ಕಾರುಣ್ಯದ ನಡಿಗೆ

ಮಲ್ಲಿಗೆ ಮುಡಿದ ಮುಡಿ
ಪರಿಮಳವ ತೇಲಿಸಿ
ಮನೆಯಾಚೆಗೂ ಘಮ ಪಸರಿಸಿದ
ಪರಿಯೇ ಕಾರುಣ್ಯದ ಸಮಾನತೆ

ಕಾಲಗರ್ಭದ ಕಾಳನ ಕಾಲ ತುಳಿತಕ್ಕೆ
ಸಿಕ್ಕವನ ಕಣ್ಣೀರಿಗೆ ಕರಗಿ
ಮಿಡಿವ ಮನವೇ
ಕಾರುಣ್ಯದ ಚೇತನ.

‍ಲೇಖಕರು Admin

July 29, 2022

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

೧ ಪ್ರತಿಕ್ರಿಯೆ

  1. prathibha nandakumar

    ಕವನ ಚೆನ್ನಾಗಿದೆ. ಒಂದು ಸಲಹೆ. ಮೊದಲಿನಿಂದ ಕಟ್ಟುತ್ತಾ ಬಂದ ಬಂಧ ಕೊನೆಯಲ್ಲಿ ಮತ್ತೆ ಹಿಂತಿರುಗಿ ಸ್ವಲ್ಪ ತಡವರಿಸಿದೆ. ಇವನ್ನು ಮೇಲಕ್ಕೆ ಬದಲಿಸಿದರೆ ಹೇಗೆ?

    ಕೊಟ್ಟಿಗೆಯ ಕರುವಿನ
    ಕೂಗು ಕಾರುಣ್ಯದ ಒರತೆ

    ಅವ್ವನ ಕೈತುತ್ತು
    ಅಪ್ಪನ ಬೆವರ ಹನಿ
    ಇವಳ ಅಪ್ಪುಗೆ
    ಕಂದನ ಹೊಳೆವ ಕಣ್ಣು
    ಕಾರುಣ್ಯದ ನಿಧಿ

    ತೊದಲು ಕಂದನ
    ಅಂಬೆಗಾಲಿನ ಪಯಣ
    ಹೊಸಿಲು ದಾಟಿದ ಪರಿಯೇ
    ಕಾರುಣ್ಯದ ನಡಿಗೆ

    ಮಲ್ಲಿಗೆ ಮುಡಿದ ಮುಡಿ
    ಪರಿಮಳವ ತೇಲಿಸಿ
    ಮನೆಯಾಚೆಗೂ ಘಮ ಪಸರಿಸಿದ
    ಪರಿಯೇ ಕಾರುಣ್ಯದ ಸಮಾನತೆ

    ಕುಳ ಬಗೆದ ನೆಲ
    ಹದಗೊಂದು ನುಂಗಿದ ಬೀಜ
    ಕುಡಿಯೊಡೆದು ಎಲೆ
    ತೆನೆದೂಗಿದ ಘಳಿಗೆ
    ಕಾರುಣ್ಯದ ಪೈರು

    ನೈವೇದ್ಯ ಮಾಡಿದ ಎಡೆ
    ಜಂಗಮನ ಹಸಿವ ನೀಗಿದ
    ಕ್ಷಣ ಕಾರುಣ್ಯದ ಸಾರ್ಥಕತೆ

    ಬೊಚ್ಚು ಬಾಯಿಗಳ
    ಕೋಲುಗೈಗಳು
    ನಡುಗಿ ಭರವಸೆಯ ಬಿಗಿ
    ಹಿಡಿದ ಧೈರ್ಯವೇ ಕಾರುಣ್ಯದ ಬೆಳಕು

    ಕಾಲಗರ್ಭದ ಕಾಳನ ಕಾಲ ತುಳಿತಕ್ಕೆ
    ಸಿಕ್ಕವನ ಕಣ್ಣೀರಿಗೆ ಕರಗಿ
    ಮಿಡಿವ ಮನವೇ
    ಕಾರುಣ್ಯದ ಚೇತನ.

    **

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: