ಉಷಾ ನರಸಿಂಹನ್
ಹೋಗಬೇಡ ನಲ್ಲ ನನ್ನ
ಮನಸು ತುಂಬುವನಕ;
ಸ೦ಜೆಗಣ್ಣ ಒಲವಬಣ್ಣ
ಒಡಲಿಗಿಳಿವ ತನಕ!
ಹೆಪ್ಪುಗಟ್ಟುತಿಹುದು ಹೊತ್ತು
ಕದಲಿ ಕೆಡಿಸಬೇಡ.
ಹುತ್ತಗಟ್ಟುತಿವುದು ಚಿತ್ತ
ಭಂಗಿ ಬದಲಬೇಡ!
ಹೂವಿನೆದೆಗೆ ಹನಿಯು ಬಿದ್ದು
ಸೋರಿ ಹೋದ ಹಾಗೆ…
ಸನಿಹ ಬಂದ ಇನಿಯ ನೀನು
ಜಾರಿ ಹೋಗಬೇಡ
ಗಳಿಗೆಗಳು ಕೂಡಿಕೊಳುತ
ಹೊತ್ತು ಮೀರಿ ಹೋಗಲಿ,
ಎದೆಯ ಬಡಿತ ತೀರವಾಗಿ
ಒಡಲ ಕಡಲ ಸೇರಲಿ.
ಇನಿತು ಭಿನ್ನ ಬೇಧವಿಲ್ಲ
ನನ್ನ ನಿನ್ನ ನಡುವೆ!
ಎನಿತು ಚನ್ನ ಸಮಯ ಹೊನ್ನು
ನಮ್ಮಿಬ್ಬರ ಒಡವೆ!
ಗಾಳಿ ಬೀಸುತಿಹುದು ನಡುವೆ
ಮೋಹ ಚಳಿಯ ಸುಯ್ಯುತಾ…
ಪಾಳಿಗಾಗಿ ಕಾಯುತಿಹುದು
ಅಂಗಾಗವು ಬೇಯುತಾ…
0 ಪ್ರತಿಕ್ರಿಯೆಗಳು