ಸತ್ಯಬೋಧ ಜೋಶಿ 

ಮಾಡ ಹಾಕಿದ ಮುಗಿಲು ಸರಸೋತಿ ಉಡಿಹಂಗ
ಹನಿ ಹನಿಗೂ ಒಂದು ಕವನ..
ಮಳೆಗಾಳಿ ಬೀಸಿದರ ಎದಿ ಭಾರ ಜೀಕತದ
ಹಾಡುಗಬ್ಬದ ಹಬ್ಬ ಈ ಶ್ರಾವಣ.

ಪಾಳು ಪೋಳಿಯ ಗ್ವಾಡಿ ಹಸರುಟ್ಟು ಹಾಡತಾವ
ಆಡಿ ಗೀಚಿದ ಹೆಸರ ಹೊಳ್ಳಿ ಕೂಗಿ
ಭರಮ ದೇವನ ಬಗರಿ ಹೊರಳಿ ತಿರಗಿದ ಹಂಗ
ತಿರುತಿರುಗಿ ಕಾಡತಾವ ಕಳೆದ ನೆನಪು

ಕೆರಿದಂಡಿ,ಗುಡಿ ತಿರುವು
ಮೈಮರೆತು ಹರದಾವ,         
ಕಳ್ಳ ದಾರಿಯ  ಹಿಡಿದ ಹಾವಿನ್ಹಾ0ಗ
ಬಾಳ ರೇಖೆಯ ಬರಿಯೋ, ಚಿತ್ರಗುಪ್ತನ ಹಂಗ
ಹೆಜ್ಜೆ ಗೊರಸಿನ ಗುರುತು ಹಾದಿ ಬರದಾವೋ

ಕೆರೆಹೊಂಡ ಹೊಲಭಾವಿ ಮುಗಿಲ ಮಾರಿಯ ಕನಡಿ
ಹನಿ ಹನಿದು ಬಂದಹಂಗ ಬಿಂಬ ಮಸುಕು
ಕೆರಿ ಒಡಲ ತಳದಿಂದ ಶಿರಿಯಾಳ ಬಂದ ಹಂಗ
ಹಸರ ಕೆದಕಿದ  ಬಿಂಬ ಮ್ಯಾಲೆ ಬರತಾವ..