ಬಾಬುಕೋಡಿ ವೆಂಕಟರಮಣ ಕಾರಂತ ನನಗೆ ಸದಾ ನೆನಪಿನಲ್ಲಿ ಇರಲೇಬೇಕು. ಏಕೆಂದರೆ ಅವರ ನಿರ್ದೇಶನದ 'ಇಸ್ಪೀಟ್ ರಾಜ್ಯ' ನೋಡಲೆಂದೇ ನಾನು ಕಲಾಕ್ಷೇತ್ರದ ಮೆಟ್ಟಿಲು ಹತ್ತಿದ್ದು. ಅವರ ನಿರ್ದೇಶನದ ನಾಟಕಗಳಿಗಾಗಿಯೇ ನಾನು ಕಲಾಕ್ಷೇತ್ರದ ಬಯಲು ರಂಗಮಂದಿರದಲ್ಲಿ ಕುಳಿತವನು. ಇವರ ನಾಟಕಕ್ಕಾಗಿಯೇ ಕೈಲಾಸಂ ಕಲಾಕ್ಷೇತ್ರ ಹೊಕ್ಕವನು. ಹೀಗಾಗಿ ಬಿ ವಿ ಕಾರಂತ್ ನನಗೆ ಗೊತ್ತಿಲ್ಲದೆಯೇ ನನ್ನನ್ನು ಕೈಹಿಡಿದು ರಂಗಭೂಮಿಯ ಒಳಗೆ ಕರೆದುಕೊಂಡಿದ್ದಾರೆ. ನಾನು ಧಾರವಾಡದ ಬಯಲು ರಂಗಮಂದಿರದಲ್ಲಿ ಕುಳಿತು ಇವರು ಹಿಂದಿಯಲ್ಲಿ ಯಕ್ಷಗಾನದ ಮಾದರಿಯಲ್ಲಿ ನಿರ್ದೇಶಿಸಿದ ಮ್ಯಾಕ್ ಬೆತ್' ನಾಟಕವನ್ನು ನೋಡಿದ್ದೇನೆ.  ಇಂತಹ ಬಿ ವಿ ಕಾರಂತರನ್ನು ಮತ್ತೆ ಮತ್ತೆ ಭೆಟ್ಟಿಯಾಗಬೇಕಾಗಿ ಬಂದದ್ದು ಪತ್ರಕರ್ತನಾಗಿ. 'ಕರ್ಮವೀರ' ದೀಪಾವಳಿ ವಿಶೇಷಾಂಕಕ್ಕಾಗಿ ನಾನು ಬಿ ವಿ ಕಾರಂತರ ರಂಗ...