ಸುಧಾ ಆಡುಕಳ ಹೊಸ ಕವಿತೆ- ಅಕ್ಕ..

ಸುಧಾ ಆಡುಕಳ

1.
ದೂರದಲ್ಲೆಲ್ಲೋ ಮಳೆಬಿದ್ದ ಸುದ್ದಿ
ಮಣ್ಣ ಘಮದ ಪರಿಮಳ ಅವನ
ನೆನಪಿಸುವುದ್ಯಾಕೆ?
ಭೂಮಿಯನ್ನೇ ಕೇಳಬೇಕು
ಹೂಕುಂಡದಲ್ಲೊಂದು ಪುಟ್ಟ ಹೂ
ಅರಳಿ ನಕ್ಕರೆ ಅವನ ಒಸಗೆ
ನೆನಪಾಗಬೇಕೆ?
ಬಿಡು, ನಾಳೆ ದುಂಬಿಯನ್ನೇ
ಕೇಳಿದರಾಯಿತು
ರಾತ್ರಿಯಾಗಸದಲ್ಲಿ ಚುಕ್ಕಿ ಸಾಲು
ಅವನ ತಬ್ಬಿದ ನೆನಪು ಮತ್ತೆ ಬಂತು
ನನ್ನ ಕಂಡು ನಗುವ ಚುಕ್ಕಿಗಳಿಗೆ
ಕಾರಣವೂ ಗೊತ್ತು!


ತಳಿರು, ಹಸಿರು, ಗಿಳಿ, ಗೊರವಂಕಗಳ
ಬಳಿ ನಲ್ಲನ ಇರವ ಕೇಳುವ ಅಕ್ಕಾ ಕೇಳೆ
ಅವರಲ್ಲೆಲ್ಲ ನನ್ನಿಯನ ಇರವೇ ಇದೆ
ಹುಡುಕದೇ ಗಳಿಗೆಗೊಮ್ಮೆ ಸಿಗುವವನ
ಮರೆಯುವುದು ಹೇಗೆ?
ನೆನಪೇ ಆದವನ ನೆನಪಾಗಿಸುವ
ಬಗೆಯೆನಗೆ ಹೇಳೆ

2.
ಅಕ್ಕಾ
ನಿನ್ನ ಆ
ಜಡೆಜಂಗಮ
ಅವನೆಂಥವನೆ?
ಕಾಡು ಮೇಡುಗಳಲ್ಲಿ
ನಿನ್ನ ಅಲೆಯಬಿಟ್ಟು
ಕಲ್ಲಾಗಿ ಕುಳಿತವನು
ಅಕ್ಕಾ
ನಿನ್ನ ಗೊರವ
ಅವನೆಷ್ಟರವನೆ?
ಹಾದಿಬೀದಿಯಲ್ಲಿ
ನಿನ್ನ ಹಾಡಲು ಬಿಟ್ಟು
ಕೈಲಾಸಕ್ಕೆ ಹಾರಿದವನು
ಅಕ್ಕಾ


ನಿನ್ನ ಸುಳಿಪಲ್ಲ ಶಿವ
ಅವನೇನು ಬಲ್ಲನೆ?
ನಿನ್ನೊಳಗೆಲ್ಲ ಹರಣವಾಗಿ
ಲಿಂಗವಾಗಿ
ಮೈದಳೆದುದ?
ಎಂದೆಲ್ಲಾ
ಕೇಳಬೇಕೆಂದಿದ್ದೆ
ನಿನ್ನ ಮುಂದಲೆಯ
ಹಿಡಿದು
ನನ್ನ ಮಲ್ಲಿಕಾರ್ಜುನನೊಳಗಾಗಿ
ನಿಂದಿರುವೆ
ನಿನ್ನ ದಾರಿಯ ದಿಟ್ಟಿಸುತ್ತ

‍ಲೇಖಕರು Avadhi

April 10, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: