ಹೀಗೊಂದು ಆಯಾಮ….
ಶೇಷಗಿರಿ ಜೋಡಿದಾರ್
ಅತ್ಯತ್ತಮ ಮಟ್ಟದ ಆದರೆ ಅಗ್ಗವಾಗಿರುವ,
ಮೆದುಳಿಗೆ ಗ್ರಾಸವಾಗ ಬಲ್ಲ ಆದರೆ ತ್ರಾಸವಾಗದ
ತಾಜಾ,ತಾಜ ಹಣ್ಣು….ತರಕಾರಿ,ತಿನಿಸು, ದಿನಸಿಯನ್ನು
ಆಯಲು ಹೊರಟಿರುವ ಮಹಾ ಸೂಕ್ಷಮತಿ ಓದುಗ…..
ಎಗ್ಗು ಮುಗ್ಗಿಲ್ಲದ ಓಂಟಿ ಸಲಗ….
ಕಣ್ಣಿಗೆ ಹಬ್ಬ ಮಾತ್ರ ಬಣ್ಣದ ಜಾತ್ರೆ
ತಟಸ್ಥ ಮಿದುಳು ನಿಶ್ಚಿಂತ ನಿಶ್ಚಲ ಪಾತ್ರೆ
ಹೃದಯದ ಬಡಿತ ಸ್ಥಿರವಾಗಿರಬೇಕಷ್ಟೇ….
ನಾಳೆಗಳ ಮುಖ ಪುಸ್ತಕ ಸೇರಲು….
ಕಲಾಕೃತಿಗಳ ಹುಡುಕಾಟ, ವಾಟ್ಸಪ್ ನ ಬಯಲಾಟ
ಮೆಸೆಂಜರ್ ನಲ್ಲಿ ಚೆಲ್ಲಾಟ, ಯವ್ವನ ಹಾರಾಟ
ನೋಡಬಹುದು ಮರೆಯಬಲ್ಲ ಮುಖಗಳನು..
ನಿಜ…ಇದು ಫೇಸ್ ಬುಕ್…. ನ ಮುಖಪುಟ
ಶೇರ್ ಮಾರ್ಕೆಟ್ ಏಜೆಂಟ್ ಗಳಂತೆ
ಸಿಸ್ಟಮ್ ಮುಂದೆ ಕೂತು ಲೈಕ್ ಗಳ ಕುಸಿತ ನೋಡಿ
ಕಂಗಾಲಾಗಿ ಸಾಹಿತ್ಯದ “ಮಾರುಕಟ್ಟೆಯಲ್ಲಿ ಏರು ಪೇರು”
ಎಂದು ದಪ್ಪ ಅಕ್ಷರಗಳಲ್ಲಿ ದಿನಪತ್ರಿಕೆಯಲ್ಲಿ
ಮಾರನೆಯದಿನ ಮುಖ್ಯ ಸುದ್ದಿ…
ಆಗಬಹುದೆಂದು ಈಗಲೇ ಕಂಗಾಲಾಗಿರುವ ಲೇಖಕ….
ವ್ಯಕ್ತಿತ್ವ ತೀರಾ ಪಾರದರ್ಶಕ, ಅದರೂ
ಅಂದುಕೊಂಡಿದ್ದಾನೆ ಲೋಕಕೇ ಮಾರ್ಗದರ್ಶಕ
ಮುಖಪುಸ್ತಕದಲ್ಲಿ ಹರಡಿರುವ ಕವನಗಳನ್ನೆಲ್ಲಾ ಕೆದಕಿ,
ಅನುಕ್ರಮದಲ್ಲಿ ಜೋಡಿಸಿ, ವಿಂಗಡಿಸಿ…ಎಲ್ಲವನ್ನು
ನಿಷ್ಪಕ್ಷಪಾತದಿಂದ, ಪದವನ್ನು ನಿರ್ಲಕ್ಷಿಸದೆ
ಓದಿ, ಬಾರಿ,ಬಾರಿ ಓದಿ…..
ಲೈಕ್, ಎರಡು ಪದಗಳ ಉದ್ಗಾರಯೋಗ್ಯ,
ಮೆಚ್ಚುಗೆಪದಗಳ, ಮರೆಯದೆ…..
ಮೆಲಕುಹಾಕಬಲ್ಲ ಸಾಲುಗಳ ಉಲ್ಲೇಖ ಸಹಿತ
ವಿಮರ್ಶೆಯೋಗ್ಯವೇ?
ಎಂಬ ಗೊಂದಲದ ದ್ವಂದದಲ್ಲೇ ಗಾಂಜಹೊಡೆದವನಂತೆ,
ಅಮಲಿನಲ್ಲೇ ಕಾಮೆಂಟ್ ಹಾಕಿ,
ನ್ಯೂಟನನಂತೆ ಬೋರೆಹಣ್ಣು ಬೀಳಲು
ಕಾದು ಕುಳಿತ ವಿಮರ್ಶಕ ವಿದೂಶಕ….
ಪದ್ಯ ಸೂಪರ್.
ನನ್ನ ಹೆಸರ ಪ್ರಿಯ/ ನಾರ್ಸಿಸ್ ನನ್ನ ಅವಳಿ ಸಹೋದರ. udayakumar… very nice comment… I liked it.. thank you..
ಚೆನ್ನಾಗಿದೆ; ಪದ್ಯ.
ಫೇಸ್ ಬುಕ್ ನಲ್ಲಿ ಬರೆಯುತ್ತೇನೆ ಜನ ನನ್ನ ಕವಿತೆ ಓದಲೆಂದು/ ಆದರೆ ಲೈಕ್ ಸಿಕ್ಕರಷ್ಟೇ ಸಾಕು ಎಂದು ಅಲ್ಪ ತೃಪ್ತ ನಾನಲ್ಲ/ ಫೇಸ್ ಬುಕ್ ಕವಿಗೋಷ್ಠಿ ಇತ್ತಂತೆ ನನಗೆ ಯಾರೂ ತಿಳಿಸಲೇ ಇಲ್ಲ. ಯಾಕೆಂದರೆ ನಾನು ಪ್ರೀತಿ, ಪ್ರಣಯ, ಪ್ರೇಮದ ಬಗ್ಗೆ ಬರೆದವನೆ ಅಲ್ಲ/ ಯಾಕೆಂದರೆ ನನಗೆ ಆ ಅನುಭವ ಇಲ್ಲ/ ಯಾಕೆ ಬರೆಯುತ್ತೇನೆಂದರೆ ನನ್ನನ್ನು ಎಲ್ಲರೂ ಹೆಚ್ಚಾಗಿ ನನ್ನ ಹೆಸರನ್ನಾದರೂ ನೋಡಲೆಂದು/ ನಾನು ನನ್ನ ಪ್ರಿಯ ಮತ್ತು ನನ್ನ ಹೆಸರ ಪ್ರಿಯ/ ನಾರ್ಸಿಸ್ ನನ್ನ ಅವಳಿ ಸಹೋದರ.
Kavana Chennaagide Sheshi anna