ನಿನ್ನ ಪಡೆಯುವ ಹಂಬಲದಲ್ಲಿ..

ಕಾಯ್ಕಿಣಿ ಪಾರ್ಲರ್ ಗೆ ಬಂದ ಸಾಲು ಸಾಲು ಬರಹ ಜೋಡಣೆಗೆ ಈಗ ಒಂದು ಚಂದದ ಮುಕ್ತಾಯ 

ಕವಿತೆಯೊಂದಿಗೆ 

parlour1

ನೋವಿಗೆ ಕರೆಯೋಲೆ

ಸಿಂಧುಚಂದ್ರ

ಮತ್ತೆ ಪಾರ್ಲರ್ ಗೆ ಹೋಗಬೇಕು
ನೋವುಣ್ಣುವುದ್ದಕ್ಕಾಗಿ
ಒಂದೊಂದೇ ರೋಮಗಳನ್ನು
ಕೀಳುವಾಗ ಹುಬ್ಬಿನಿಂದ
beauty2ಯಮಯಾತನೆ…
ಕಣ್ಣಿನಿಂದ ದಳದಳ
ನೀರಿಳಿಯುತ್ತಿದ್ದರೂ
ಹಾಗೇ ಕುಳಿತಿರುತ್ತೇನೆ.

ಮೇಣದಂತ ಕ್ರೀಮನ್ನು
ತಲೆಗೆ ಮೆತ್ತಿದರೂ
ಅಲವರಿಕೆಯಾಗುತ್ತಿದೆ
ಎಂದು ಹೇಳುವುದಿಲ್ಲ.

ಬಿಸಿಬಿಸಿ ಪಾಕವನ್ನು
ಚಾಕುವಿನಿಂದ ಕೈ-
ಕಾಲಿಗೆ ಹಚ್ಚಿ, ಪರ್ರೆಂದು
ಕಿತ್ತು ಹಾಕುವಾಗಲೂ
ನಾನು ಮಿಸುಗಾಡುವುದಿಲ್ಲ

ಫೇಶಿಯಲ್ ಎನ್ನುತ್ತಾ
ಕೆಂಡದ ಹಬೆಗೆ ಮುಖವೊಡ್ಡಿಸಿ
ಮೊಡವೆಗಳ ಬುಡ
ಅಲ್ಲಾಡಿಸಿ, ರಕ್ತ
ಚಿಮ್ಮಿಸಿದರೂ, ನಾನು
ಹಾಗೇ ತುಟಿ ಕಚ್ಚುತ್ತೇನೆ

ಅಷ್ಟೇ..
ಚರ್ಮ ಬಿಳಿಯಾಗಲು
ಕೂದಲು ಕಪ್ಪಗಾಗಲು
ಎಷ್ಟೆಲ್ಲಾ ತ್ರಾಸು ಪಡುತ್ತೇನೆ.

ಸುಕ್ಕು ಕಾಣಿಸದಿರಲೆಂದು
ಕಡಿಮೆ ನಗುತ್ತೇನೆ..
ಚಂದವಾಗುವ ಚಪಲದಲ್ಲಿ
ನೋವು ಸಹಿಸುತ್ತಿದ್ದೇನೆ

ನಿನ್ನ ಪಡೆಯುವ ಹಂಬಲದಲ್ಲಿ
ನೋವಿಗೆ ಕರೆಯೋಲೆ
ಕಳಿಸಿದ್ದೇನೆ.

‍ಲೇಖಕರು Admin

June 8, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

3 ಪ್ರತಿಕ್ರಿಯೆಗಳು

  1. Shama, Nandibetta

    ಪಾರ್ಲರಿನಲ್ಲಿ ಕೂತು ಹುಬ್ಬು ಕೀಳುವಾಗಿನ ನೋವನ್ನು ನೆಪವಾಗಿಸಿಕೊಂಡು ಹೃದಯ ಕಿತ್ತವರ ನೆನೆದು ಅತ್ತವರೆಷ್ಟೋ? ಅದೆಷ್ಟು ಮಂದಿ ನೋವಿಗೆ ಕರೆಯೋಲೆ ಕಳಿಸಿದ್ದರೋ !!!

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: