ಮಣ್ಣಾದ ಅಪ್ಪ

ಸಂತೆಬೆನ್ನೂರು ಫೈಜ್ನಟ್ರಾಜ್

ಹೆಗಲ ಮಂಟಪದಿ ಸಾಗಿ ಮಣ್ಣಿಗಿಳಿದ
ಅಪ್ಪ  ಉಸ್ಸಪ್ಪ ಎಂದ  ದನಿ
ನಂಗಷ್ಟೇ ಕೇಳಿದ್ದು ಅಮ್ಮನಿಗೆ ಹೇಗೆ ಹೇಳಲಿ?
*
ಇಡೀ ಊರೇ ಅಪ್ಪಂದು
ನಡೆದಾಡುವ ನಾಯಕ ಒಮ್ಮೆಲೆ ಕುಸಿದು
ಕೋಲೂ  ಊರದೇ
ಕಡೆಯಾಗಿದ್ದು ಆಡಲು ಹೋದ ಹುಡುಗ ಮರೆಯಾದಂತಾಗಿದೆ!
*
ಮಣ್ಣ ಮತ್ತು ಅಪ್ಪನ ನಡುವೆ
ಅದೇನು ಮಾತೋ ಈಗ
ಬದುಕಿದ್ದಾಗ ತೋಟದ ತುಂಬಾ ಮಣ್ಣ ಹೆಜ್ಜೆ
ಮೂಡಿ ಭೂರ್ಜ್ವವನದ ಟಾಲ್ಸ್ಟಾಯ್ ಮೌನವಾದ ಕ್ಷಣ ಅಪ್ಪಂದು!
*
ವಾಕಿಟಾಕಿಗೂ ನಾಚಿಕೆ ಆಗಬೇಕು ಅಪ್ಪನ ಮಾತಿಗೆ,ಹಾಸಿಗೆಯ ಸಾಂಗತ್ಯದಲ್ಲಿ
ತಲೆ ಉಜ್ಜುಜ್ಜಿ ಮೌನ ಹೊದ್ದ  ಮನೆ ದಿನದಿನವೂ ಮಸಣ!

*
ಕೈಹಿಡಿದವಳ ಪ್ರೀತಿಸಿದ್ದೆಷ್ಟೋ…
ಮಂಚದಿಂದ ಮಣ್ಣಿಗೆ ಸಾಗುವತನಕ
ಒಲವ ಹೆಸರೇ ಮಂತ್ರ, ಕಡೆಗಾಲಕೂ
ಕಡೆಗಣಿಸದ ಪ್ರೀತಿಗೆ ಜೀವಕೊಡೋ ಶಕ್ತಿ
ದೂರವೆ!
*
ನೂರರ ಹತ್ತಿರದ ವಸಂತಗಳ
ಎದೆಯೊಳಗಿಟ್ಟು ಸಾವಿರಾರು ಮಾತುಗಳ
ಒಡಲ ಕೋಟೆಯಲ್ಲಿ ಹಳೆ ಮುತ್ತುಗಳಂತೆ
ಬಂಧಿಸಿಕೊಂಡೇ ಹೋಗಿದ್ದು
ಅಮ್ಮನಿಗೂ ಒಗಟು!