ಗುಲಾಬಿ- ಮುಳ್ಳು
ವಸುಂಧರಾ. ಕೆ. ಎಂ.
ಗುಲಾಬಿ ಹಿಡಿಯುತ್ತಿದ್ದ
ನನ್ನ ಕೈಗಳಿಗೀಗ ಚಾಟಿಯನು
ಕೊಟ್ಟಿರುವೆ !
ಒಲವ ತೋರಿದರೆ ಹೂ
ಕುಟಿಲತೆಗೆ ಚಾಟಿ, ಆಯ್ಕೆ
ನಿನಗೆ ಬಿಟ್ಟಿರುವೆ..!
ನನ್ನ ಜಗತ್ತಿಗೆ ಇನ್ನು ನಿನ್ನ
ಆಗಮನಕ್ಕೆ ವಿಧಿಸಿರುವೆ
ನಿರ್ಬಂಧ.
ಋಜುವಿದ್ದರೆ ಎಲ್ಲೂ
ಉಳಿದು ಬರುವುದು
ಸಂಬಂಧ..
ಹೂ ಅರಳಿಸಿ ಕಂಪನ್ನಷ್ಟೇ
ನಿನಗೆ ನೀಡ ಬಯಸಿದೆ..,
ಹುಡುಕಿ ಹುಡುಕಿ ಮುಳ್ಳ
ಬುಡವ ನೀನೇ ಎತ್ತಿ ಹಿಡಿದೆ..!
ಅಷ್ಟು ಮಾತ್ರ ಬೇಡವೇನು
ನನ್ನ ರಕ್ಷಣೆಗೆ ಒಂದಷ್ಟು
ಮುಳ್ಳು..?
ಬೇಲಿ ಎದ್ದು ಹೊಲವ
ಮೇವ ಕತೆಯದೇನಾ
ಸುಳ್ಳು..?
ನಿನಗೆ ಗುಲಾಬಿಯನೇ
ಕೊಡಬೇಕೆಂಬ ಆಸೆಯಿದೆ
ನನಗೆ.
ಒಳಿತಿನಲ್ಲೂ ಕೆಡುಕನೇ
ಹುಡುಕುವುದ ಬಿಡು ನೀನಿನ್ನು
ಕೊನೆಗೆ…
Nice
Thank you