ಸರೋಜಿನಿ ಪಡಸಲಗಿ
ಮುಗಿಲಿನ ಬಯಲಾಗ ಬಣ್ಣದ
ಓಕುಳಿ ಸುರಿsದು ಹರಡಿತ್ತ
ಎದಿಯ ಗೂಡಿನ ಸಂದಿಯೊಳಗ
ಜೀಕಳಿ ತಾ ಛಲ್ಲಂತ ಚಿಮ್ಮಿತ್ತs||
ಬಾನ ರಂಗಿನ ಗುಂಗಿನ್ಯಾಗ
ಮತ್ತ ಸಂಜಿಯ ಮಬ್ಬಿನ್ಯಾಗ
ಅತ್ತ ಇತ್ತ ಹಾರಿ ಜಿಗಿದು
ಮನ ಸಂsಚಾsರ ಹೊರಟಿತ್ತು ||
ನೆನಪು ಕನಸು ಹೊದ್ದು ಕೊಂಡು
ಸವಿ ಸವಿ ಮಾತು ನೆsನಸಿಕೊಂಡು
ಬೆಳಕಿನ ಗದ್ದಲ ದೂರ ಸರಿಸಿ
ದಿನ ತಣ್ಣಗೆ ಮಲಗಿತ್ತs
ಕನಸಿನ್ಯಾಗ ಮುಳುಗಿ ತೇಲಿ
ತುಟಿsಯಂಚಿನ್ಯಾಗ ಸಣ್ಣಗೆ ನಗತಿತ್ತ s||
ಚಂದ್ರಕಾಳಿ ಸೀರೆಯುಟ್ಟು
ಕೆಂಪು ರಂಗಿನ ಸೆsರಗ ಬೀಸಿ
ಕತ್ತಲ ಬಾಲೆ ಮೆಲ್ಲ ಮೆಲ್ಲ
ಹೊಳ್ಳಿ ಹೊಳ್ಳಿ ನೋಡತಿತ್ತ
ಕತ್ತು ಎತ್ತಿ ಚಾಚಿ ನಿಂತು
ಯಾಕೋ ಏನೋ ದೂರದತ್ತ ದಿಟ್ಟಿ ನೆಟ್ಟಿತ್ತ||
ಹಕ್ಕಿ ಗೂಡಿನ್ಯಾಗ ಜೋಡಿ ಹಕ್ಕಿಯ
ಪಿಸು ಪಿಸು ಮಾತ ನಡದಿತ್ತ
ಗುಸು ಗುಸು ಪಿಸು ಪಿಸು ಆಲಿಸುತ್ತ
ಕತ್ತಲ ಬಾಲೆ ಕsಣ್ಣೀನ್ಯಾಗ
ಫಳಕ್ಕೆಂದು ತಾ ಮಿಂಚು ಹೊಳದಿತ್ತ
ಕಂಡೂ ಕಾಣದ ಭಂಗಾರದೆಳಿಯಂಥ ನಗೀ ಮೂಡಿತ್ತ ||
ಕತ್ತಲ ಬಾಲೆ ನಗೀ ಬೆಳಕು
ಮುಗಿಲ ತುಂಬ ಹಬ್ಬಿ ಹರಡಿತ್ತ
ಆಕೀ ನಲ್ಲಗ ಗದ್ದಲ ಇಲ್ಲದೆ
ಸುಳಿವು ಕೊಡದೇ ಸುದ್ದಿ ನೀಡಿತ್ತ
ಮುಗಿಲಿನ ಬಯಲಾಗ ಬಂದು ನಿಂತು
ಆತ ನಗುs ಬೀರಿದ್ದ ಬಾಲೆಯ ಮೊಗ ಹೊಳದಿತ್ತ||
ಏನೀ ಸರಸಾ ಎಂಥಾ ಆಟಾ
ಸಂಚಾರ ಹೊರಟ ಮನಸು
ಮುಸಿ ಮುಸಿ ನಕ್ಕಿತ್ತ
ತಿರು ತಿರುಗಿ ನೋಡಿತ್ತ
ಮಾಯಾ ಮೋಹದಾಟದಂತ
ತಿಳಿಯಲಾಗದ ಒಗಟು ಅಂತ
ನೆಟ್ಟಗ ತನ್ನ ಠಾವಿನ ದಾರಿ ಹಿಡsದ ನಡದಿತ್ತ||
0 ಪ್ರತಿಕ್ರಿಯೆಗಳು