ಊದುತ್ತಲೇ ಇದ್ದೇನೆ ಬದುಕನ್ನು..

ಕಾವ್ಯ ಎಸ್ ಕೋಳಿವಾಡ್

ಊದುತ್ತಲೇ ಇದ್ದೇನೆ ಬದುಕನ್ನು ಹಾಗೆ ಹಾಗೆ
ಗಾಳಿ ತೂರಿ ಒಳಹೋಗಿ
ಅಷ್ಟುದ್ದ ಮೈಲುಗಲ್ಲನು ತಾಗುವ ಹಾಗೆ

ಜಾತ್ರೆಯ ಜಂಗುಳಿಯೊಳಗೆ ಕಳೆದೋದ ಆಸೆಗಳ ಎದೆಗವಚಿಕೊಂಡು ನಕ್ಕ‌ ನಗೆಯ ಜೊತೆ ಉಸಿರೂ ಮಾರಾಟಕ್ಕಿದೆ .

ಇಲ್ಲಿ ಬಣ್ಣದ ಕನಸುಗಳ ಬಲೂನೊಳಗೆ ತೂರಿ
ಕಪ್ಪುಬಿಳಿ ಜಗದೊಳಗೆ
ಬಿಕರಿಗಿಟ್ಟಿದಾಳೆ ಪುಟ್ಟಿ

ಉಸಿರೂದಿದಾಗ ಉದ್ದಕೇರುವ ಪೀಪಿ ,  ಪಿಂಕು ಬಣ್ಣದ ಬಾಂಬೆ ಮಿಠಾಯಿ , ಮಾಟಾಗಿ ನಗುತಿರುವ ಬಾರ್ಬಿಗೊಂಬೆಯ ಕನಸೂ ಕ್ಷಣಿಕ
ಮಾರುತಿರುವ ನೊರೆಗುಳ್ಳೆಯಂತೇ

ಹರಿದ ಜೇಬೂ ಅಪ್ಪನ ಪ್ರೀತಿಗೆ ಸಾಂತ್ವನ  ಹೇಳುತಿದೆ . ಕೊಳಲೂದಿ ದಣಿದ ಅಣ್ಣನ
ಹಸಿವಿಗು ಈಗೀಗ ಜೀವ ಬಂದಿದೆ

ಕಾಲು ಮಡಚಿ ಮಲಗಿದ ಕಾಲ ನೋಡುತ್ತಲೇ ಇದೆ ಬದುಕ ಉಸಿರು ಊದಿ ಊದಿ ಕಪ್ಪಿಟ್ಟ ತುಟಿಗಳನ್ನು .‌.

ಗಡಿಯಾರದ ಸುತ್ತು ಸುತ್ತಿಗೆ
ಜೀತಕಿರುವ ಮುಳ್ಳುಗಳ ನಡುವೆ ಕಾಲ ಕೊನೆದಿನಗಳನೆಣಿಸುತಿದೆ

‍ಲೇಖಕರು avadhi

November 21, 2017

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: