ನವೀನ್ ಮದುಗಿರಿ
ಸುಮ್ಮನೆ ಜಿಗಿಯಿತು
ಕಪ್ಪೆ
ಕೊಳದ ತುಂಬಾ
ಎಷ್ಟೊಂದು ತರಂಗ
~•~
ತುದಿಗಾಲ ಮೇಲೆ
ಅಲೆಗಳು
ಚಂದಿರ
ಹುಳಿ ದ್ರಾಕ್ಷಿ ಗೊಂಚಲು
~•~
ತಂಗಾಳಿಯ ಕೈ
ತೂಗುತಿದೆ
ಚಿಟ್ಟೆಗೆ
ಹೂವಿನ ತೊಟ್ಟಿಲು
~•~
ಶಿವ ಶಿವಾ
ಈ ಮರದ
ನೆತ್ತಿಯ ಮೇಲೆ
ಚಂದಿರ
~•~
ನಿಶ್ಯಬ್ದ ರಾತ್ರಿ ಸುಳ್ಳು
ಗಾಳಿಯೂ
ಮಾತು ಕಲಿತಿದೆ
ಸುಯ್ಯೋ ಸುಯ್
~•~
ಮರದ ಮುಂಗೈ
ಚುಂಬಿಸಿತು ಗಾಳಿ
ಉದುರಿ ಬಿದ್ದಿವೆ
ಹಣ್ಣೆಲೆ
~•~
ಕತ್ತಲು ಬೆಳಕಿನ
ನಡುವೆ
ರಾಜಿ ಮಾಡಿಸುತಿದೆ
ಮಿಂಚುಹುಳು
~•~
ನೇಸರ ಬಿಡಿಸಿದ
ನೆರಳ ಚಿತ್ರ
ಅಮಾವಾಸೆಯ
ಚಂದಿರ ಬಳಿದ
ಕಪ್ಪು ಬಣ್ಣ
~•~
ಮನೆಯೊಳಗಿನ
ಗಾಳಿಯಂತ್ರವನ್ನು
ಬೆರಗಿನಿಂದ ನೋಡಿದೆ
ಮನೆಯ ಮುಂದೊಂದು ಮರ
~•~
ನದಿ ಓಡುತಿದೆ
ಎಲ್ಲಿಗೆಂದು ಗೊತ್ತಿಲ್ಲದೆ
ದೂರದಲ್ಲೊಂದು
ಕಡಲು ಕಾಯುತ್ತಿದೆ
~•~
ಚಲಿಸುತ್ತಿದೆ ರೈಲು
ಜೊತೆಗೆ ಚಂದಿರನೂ
ಎಲ್ಲೆಡೆಯೂ ಇದೆ
ಬೆಳದಿಂಗಳು
~•~
ವಿಳಾಸ ತಪ್ಪಿ
ಅಲೆಯುವಾಗ ದುಂಬಿ
ಪರಿಮಳ ಕಳಿಸಿದೆ
ಹೂವು
ಗಾಳಿಯ ಜೊತೆಯಲಿ
~•~
ವಾಹ್! ಮದುಗಿರಿ; ನಿಮ್ಮ ಹೈಕುಗಳು ಸಿಕ್ಕಾಪಟ್ಟೆ ಚೆನ್ನಾಗಿವೆ. ಅಭಿನಂದನೆಗಳು.
Thumba olleya haikugalu
Rohini Satya says:
Ella haikugalu chennaagive. Hechhina gamana seledaddu “Kattalu belakina…… Minchu hulu”
Good
Very nice.
ನವೀನರವರಿಗೆ ವಂದನೆಗಳು ಹಾಯ್ಕುಗಳು ಮನದಾಳಕಿಳಿದು ಯೋಚನೆಗೆ ಹಚ್ಚುತ್ತವೆ ಬಹಳ ಸುಂದರವಾದ ಅಬಿವ್ಯಕ್ತಿ.
Nice
hykugaLu tumbaane chennaagive navin..