ಹೇಮ ಲತಾ
ರೂಹು ಕೇಡು ಹೆಸರಿನ
ಅರಿವು ಅಗತ್ಯವಿರದೆ
ನಿತ್ಯ ಬೆಳಕಲ್ಲಿ ಅರಳುತ್ತೆ
ಸಮಷ್ಟಿ ಚೇತನ
ನಿನ್ನ ಬಗ್ಗೆ ನನಗಿಷ್ಟೇ
ತಿಳಿಯೋದು ಅರುಣ
***
ಭೂಮಿ ದೂರವಾದಂಗೆ
ದಿಗಂತ ಕರೆದಂಗೆ
ಭಾಸವಾಗುತ್ತಿದೆ ಎಂದೇ
ಸೂರ್ಯ ಅಲ್ಲೇ ಇರೋದು ಅಂದರು
ಕಣ್ಣ ಕೆಂಡ ತಣ್ಣಗಾಯ್ತು
***
ಅಷ್ಟು ಸುಲಭಕ್ಕೆ ಸಹಜಕ್ಕೆ
ಒಂದಾಗೋಲ್ಲ
ಪ್ರಕಾರ ಸೂರ್ಯ
ಅಳುಮುಂಜಿ ಮಳೆ
ಹಾಗಾದರೆ
ಹುಟ್ಟೋದು ಕಾಮನಬಿಲ್ಲೇ
***
ಅಪ್ಪಟ ಗಂಡಸಿನಂತೆ
ಮಧ್ಯಾನವೆಲ್ಲ ಉರಿದುರಿದು ಸುಡುವ ನನ್ನ ಸೂರ್ಯ
ಸಂಜೆ ಮತ್ತು ಮುಂಜಾವು ನಾಚಿ
ಕೆಂಪಾಗಿ ಮಧು
ಸುರಿಯುತ್ತಾನೆ
ಮೋಡ ಕವಿದರೆ
ಮುನಿಸಿಕೊಂಡ ಮಗುವಾಗುತ್ತಾನೆ
ಮಳೆ ಹೊಡೆದರೆ
ಅತ್ತು ಹೆಣ್ಣಾಗುತ್ತಾನೆ
***
ಚಂದ್ರನ ಕೊಂದೇ
ಸೂರ್ಯ ಹುಟ್ಟಿದ
ಇಬ್ಬನಿ ಕುಡಿದೆ
ಜಗನಿಯಾಮಕ ತಂಪಾದ
***
ಅಳಿದುಳಿದ ಉಸಿರ
ನಿನ್ನ ಹೆಸರಿಗೆ ಮುಡಿಪು ಕಟ್ಟಿದ್ದೇನೆ
ಹರಕೆ ತೀರಿಸುವಾಸೆ
ಬೇಗ ಒಲಿದುಬಿಡು
***
ತೊಟ್ಟು ಕಳಚಿದ ಪಾರಿಜಾತಕ್ಕೆ
ಗಾಳಿ ಜೊತೆ ಮಾಡಿ
ನಿನ್ನ ಹೆಸರ ವಿಳಾಸ ನೀಡಿ
ಮೆಲ್ಲಗೆ ಪಿಸುಗುಟ್ಟು
ಸಣ್ಣಗೆ ತಾಕೀತು ಮಾಡುತ್ತೇನೆ
ಯಾವುದೇ ಕಾರಣಕ್ಕೂ
ಗುರಿ ತಪ್ಪಬಾರದು
***
ನೀರ ಮೇಲೆ ಬೆರಳು
ಬರೆದ ನಿನ್ನ ಹೆಸರ
ಹೇಳದೆ ಕೇಳದೆ
ಅಲೆಗಳು
ಕೊಂಡೋಯ್ದಿವೆ
***
ನಿನ್ನ ಹೆಸರ
ಸಿಹಿಗೆ ಇರುವೆ ಮುತ್ತಿವೆ
ನನಗೂ ಪಾಲು ಬೇಕು
***
ದೇವರೇ ,ನಿನ್ನ ಮುಡಿಗೇರದೆ
ಅವನ ಪಾದದಲಂಕಾರಕ್ಕೆ ಎಂದು
ಹೂವ ಕೂಯ್ದರೆ ಕೋಪಗೊಂಡು
ನೀ ಶಾಪ ನೀಡಲ್ಲ ತಾನೇ ?
***
ಆಡದ ಪದಗಳು
ಪದ್ಯವಾದವು
ಕೈಜಾರಿದ ಕನಸುಗಳು
ಕಾವ್ಯವಾದವು
tumbaa tumbaane chennaagive..
Nice!
ಚೆಂದ ಇದೆ.
Channagide…
dhanyavadagalu nagaraj,anand,vidyashankar mattu mmshaik ravare
nijavada ‘kavya’ odida anubhava, dhanyavadagalu hemalatha ge,,,,,
alidulida usiru- nice poem
Thumbhaa thanks gururaj dharmendraravare