ಮಧುಮಗಳು
ನೂರುಲ್ಲಾ ತ್ಯಾಮಗೊಂಡ್ಲು
ಅವಳ ಕನಸಿನ ಕೈಗಳ ತುಂಬಗೋರಂಟಿ ಚಿತ್ರಗಳು.
ಹಸಿಯಾದ ನಿದ್ದೆ,
ಚಂದ್ರ ತಾರೆಯರ ವಿಲಾಸ.
–
ನಾಳೆ ಹೊನ್ನಿಳಿಯುವ ಹೊತ್ತು,
ಅಹ್ಲಾದಕರ ಇಂಚರ
ಮನದ ಬನದೊಳಗೆ.
ಅಂಗಳದಲ್ಲಿ ಕಾದು ಕೆಂಪಾದ ಗುಲಾಬಿಯ ನಗು.
–
ಹಸಿರು ಸೀರೆ ಸೆರಗಿನಂಚಿನಲಿ
ಕಾಮನ ಬಿಲ್ಲಿನ ಮೆರಗು.
ಉಡಿದು ನಡೆವ ಬದುಕಿನ ಹೆಜ್ಜೆಗೂ
ಮಯ್ಯೂರಿಯ ನಾದ.
ಬಯಕೆಯ ಬೆಡಗು.
##
ಇನ್ನಷ್ಟು ಕುಡಿಸು
ಸಾಖಿ ನಾನು ಮತ್ತಿನಲ್ಲಿದ್ದೇನೆ
ಈ ಹೊತ್ತು.
ನನಗೆ ಇನ್ನೊಂದಿಷ್ಟು ಜಾಮ್
ಕುಡಿಸು.
ಆ ಮೂರು ಗುಟುಕು
ನನ್ನನ್ನು ಈ ವರೆವಿಗೂ ತೂರಾಡಿಸಲಿಲ್ಲ ನೋಡು
ಅತ್ತ ನಾಕದವರೆಗೂ
ಇತ್ತ ನರಕದವರೆಗೂ.
ನನ್ನನ್ನು ಈ ವರೆವಿಗೂ ತೂರಾಡಿಸಲಿಲ್ಲ ನೋಡು
ಅತ್ತ ನಾಕದವರೆಗೂ
ಇತ್ತ ನರಕದವರೆಗೂ.
ಸಾಖಿ ನನಗೆ ಇನ್ನೊಂದಿಷ್ಟು
ಜಾಮ್ ಕುಡಿಸು.
ನನಗೆ ಈ ತೂರಾಡುವ
ಭ್ರಮೆಯೇ ಬೇಡ.
ಜಾಮ್ ಕುಡಿಸು.
ನನಗೆ ಈ ತೂರಾಡುವ
ಭ್ರಮೆಯೇ ಬೇಡ.
ಕುಡಿಸು ಇನ್ನಷ್ಟು
ಮತ್ತಿನೊಳಗೆ ನಾ ಮಸ್ತಾಗಿ
ಹೋಗುವ ಹಾಗೆ.
ಇನ್ನೆಂದಿಗೂ
ಆ ನಾಕ,ಆ ನರಕದ ಗೊಡವೆಗೆ
ಹೋಗದ ಹಾಗೆ.
ಇನ್ನೊಂದಿಷ್ಟು ಕುಡಿಸು ಸಾಖಿ
ಬಾಕಿ ಇರದ ಹಾಗೆ ನಿನ್ನ ಪ್ಯಾಲ.
ಈ ಚಿಕ್ಕ ಗುಡಿಸಲಲೇ ಬಿದ್ದುಕೊಂಡಿರುವೆ
ಸಾಕೆನಗೆ ಈ ನಿನ್ನ ಮೈಖಾನ.
ಬಾಕಿ ಇರದ ಹಾಗೆ ನಿನ್ನ ಪ್ಯಾಲ.
ಈ ಚಿಕ್ಕ ಗುಡಿಸಲಲೇ ಬಿದ್ದುಕೊಂಡಿರುವೆ
ಸಾಕೆನಗೆ ಈ ನಿನ್ನ ಮೈಖಾನ.
ನಾನು ಗೋರಿಯಾಗುವ ಮುನ್ನ
ಒಮ್ಮೆ ತೋರಿಸಿಬಿಡು ಆ ಪ್ರೇಮಿಯನ್ನ.
ಒಮ್ಮೆ ತೋರಿಸಿಬಿಡು ಆ ಪ್ರೇಮಿಯನ್ನ.
–
ಉಡಿದು
ಮಯ್ಯೂರಿ
ಮೈಖಾನ
ಜಾಮ್ ಕುಡಿಸು
ಈ ಪ್ರಯೋಗಗಳು ಅರ್ಥವಾಗಲಿಲ್ಲ. ಹಾಗಾಗಿ ಕವಿತೆಯನ್ನು ಅನುಸಂಧಾನ ಮಾಡುವುದು ಕಷ್ಟವಾಯಿತು