ಶಕೀಲ್ ಉಸ್ತಾದ್
ಸ್ನೇಹ ಸಮ್ಮೇಳನದ ನೆಪದಲಿ
ನಾವು ಗೆಳೆಯರೆಲ್ಲ ಭೂತಕಾಲಕ್ಕೆ ಟೈಮ್ ಟ್ರಾವೆಲ್ ಮಾಡಿ
ಎರಡುವರೆ ದಶಕಗಳ ಹಿಂದೆ ಹೋಗಿದ್ದೇವು
ಅಂಥಹದ್ದೇನ್ನಿತ್ತೊ ಈ ಸಮಯಕ್ಕೆ ಧಾವಂತ,
ಮತ್ತೆ ವರ್ತಮಾನಕ್ಕೆ ತಂದು ನಿಲ್ಲಿಸಿತು
ಛೇ, ಈ ಸಮಯಕ್ಕೆ ಸ್ವಲ್ಪನೂ ಕನಿಕರನೇ ಇಲ್ಲ !
ಗೆಳೆಯನಿಗೆ,
ಬಾಲ್ಯದ ಮುನಿಸಿಗೆ ಕಾರಣ ಕೇಳಬೇಕಿತ್ತು,
ಮಾತುಬಿಟ್ಟದ್ದಕ್ಕೆ ಮರಗುವುದೂ ಬಾಕಿಯಿತ್ತು
ಕೂಡಿ ಆಡಿದ ಆಟದ ಪಟ್ಟಿ ತೋರಿಸಿ ಮತ್ತೆ ನಗಬೇಕಿತ್ತು
ಛೇ, ಈ ಸಮಯಕ್ಕೆ ಸ್ವಲ್ಪನೂ ಕನಿಕರನೇ ಇಲ್ಲ !
ಅಂಥಹದ್ದೇನ್ನಿತ್ತೊ ಇದಕ್ಕೆ ಧಾವಂತ !
ಕೊನೆಯ ಬೆಂಚಿನ ಗೆಳೆಯನ ಲುಕ್ಕಿಗೂ,
ಹುಡುಗಿಯರ ವಿರಾಮವಿಲ್ಲದ ಪಿಸುಮಾತುಗಳ ಗುಟ್ಟಿಗೂ
ಕಾರಣ ಕೇಳಬೇಕಿತ್ತು
ಬಯಲಾದ ಗುಟ್ಟಿಗೆ ಗೊಳ್ಳೆಂದು ಮತ್ತೆ ನಗಬೇಕಿತ್ತು
ಛೇ, ಈ ಸಮಯಕ್ಕೆ ಸ್ವಲ್ಪನೂ ಕನಿಕರನೇ ಇಲ್ಲ !
ಅಂಥಹದ್ದೇನ್ನಿತ್ತೊ ಇದಕ್ಕೆ ಧಾವಂತ !
ಮಡುಗಟ್ಟಿದ ದುಃಖವನ್ನು ಹೊರ ಹಾಕಬೇಕಿತ್ತು
ಮುಡುಪಾಗಿಟ್ಟ ನೆನೆಪುಗಳನು ಎಳೆ-ಎಳೆಯಾಗಿ ಬಿಚ್ಚಿಡಬೇಕಿತ್ತು
ಕಾಲ ಚಕ್ರವನು ತಿರುಗದಂತ ಗಟ್ಟಿ ಹಿಡಿದು ಮತ್ತೆ ಬಾಲ್ಯದಲ್ಲೆ ಇರಬೇಕಿತ್ತು
ಅಂಥಹದ್ದೇನ್ನಿತ್ತೊ ಈ ಸಮಯಕ್ಕೆ ಧಾವಂತ,
ಮತ್ತೆ ವರ್ತಮಾನಕ್ಕೆ ತಂದು ನಿಲ್ಲಿಸಿತು
ಛೇ, ಈ ಸಮಯಕ್ಕೆ ಸ್ವಲ್ಪನೂ ಕನಿಕರನೇ ಇಲ್ಲ !
0 ಪ್ರತಿಕ್ರಿಯೆಗಳು