ವಿಶಾಲ್ ಮ್ಯಾಸರ್
**
ಆ ಒಂದು ಗಳಿಗೆ
ಅದೆಂತಾ ನಿದ್ರೆ ಹತ್ತಿತ್ತು
ಶತ ಶತಮಾನಗಳ ದಣಿವು
ಕಣ್ಣ ರೆಪ್ಪೆಯ ಮೇಲೆ ಭದ್ರವಾಗಿ
ಸುಭದ್ರವಾಗಿ ಕುಂತು ಬಿಟ್ಟಿತ್ತು
ಆ ಒಂದು ಗಳಿಗೆ ಹಗಲು ರಾತ್ರಿ
ಪರಿವೆ ಇಲ್ಲದೆ ಆತ್ಮದ ನೊಣಗಳು
ಅಮೃತದ ಬಟ್ಟಲ ಮೇಲೆ ಕುಳಿತು
ಅಮರತ್ವವ ಕನಸುತಿದ್ದವು
ಆ ಒಂದು ಗಳಿಗೆ ಏನೆಲ್ಲಾವಾಯಿತು
ಕೆಂಭೂತದ ಕನಸಿನಲಿ ನೀಲಲೋಚನೆ
ವೈನು ಕುಡಿಸಿ ಪರಮಹಂಸದ ಸಾಕ್ಷಾತ್ಕಾರಕ್ಕೆ
ಅನುವು ಮಾಡಿಕೊಟ್ಟಳು
ಈ ದಿವ್ಯ ನಿದ್ರೆ
ಇದು ಐದು ವರ್ಷದ ಕಲ್ಲಿನ ಗೊಂಬೆಗತ್ತಿದ್ದಲ್ಲ
ಸಿದ್ದ ಪ್ರಸಿದ್ಧರ ಬಂಗಿಯ ಹೊಗೆಯ ನಿಶೆಯೂ ಅಲ್ಲ
ಅವ್ವಾ ನಿನ್ನ ಮಡಿಲ ಸೆರಗ ಹಾಸಿನಲಿ
ತಂಗಾಳಿಯು ಎಬ್ಬಿಸಿದಂತ ನಿದ್ರೆ
ಬುಡ್ಡಿ ಬೆಳಕು ಎಣ್ಣೆಯ ಹಂಗಿಲ್ಲದ ಹೊಳೆದು
ಕತ್ತಲೆಯ ಸಂಘ ಬಯಸಿದ ನಿದ್ರೆ
0 ಪ್ರತಿಕ್ರಿಯೆಗಳು