ವರದೇಶ ಹಿರೇಗಂಗೆ
ಆ ನಗು
ಹಿಂದೂ, ಮುಸ್ಲಿಂ, ಕ್ರಿಶ್ಚಿಯನ್
ಯಾವುದೂ ಆಗಿರಲಿಲ್ಲ
ಹಸಿರು ಹುಲ್ಲಿನ ಮೇಲೆ ಬಿದ್ದ
ಇಬ್ಬನಿಯ ಶುಭ್ರನಗು
ಆ ಅಳು,
ಯಾವುದೇ ಒಂದು
ಮತದ್ದಾಗಿರಲಿಲ್ಲ
ಮಗನನ್ನು ಕಳೆದುಕೊಂಡ
ತಾಯಿಯ ರೋದನೆ
ಆ ಮಾತು
ಯಾವ ಧಾರ್ಮಿಕ ಉನ್ಮಾದವಲ್ಲ
ನೀರು ವಿದ್ಯುತ್ ಮಗು ಸ್ಕೂಲ್
ಇತ್ಯಾದಿ ರಗಳೆಯ ದಿನಚರಿ
ಹಾಕಿದ ಬುರ್ಖಾ, ಹಣೆಯ
ಕುಂಕುಮ ವಿಭೂತಿ
ಕತ್ತಿನ ಕ್ರಾಸ್, ಕರಿಮಣಿ, ಲಿಂಗ
ಎಲ್ಲದರ ಹಿಂದೆ
ಗಂಡ, ಮಗು, ಗೆಳತಿ
ಯಾವ ದೇವರು ಗುಣಮಾಡಿಯಾನು
ಈ ಕಣ್ಣಿನಾಳದ ಯಾತನೆಯ?
0 ಪ್ರತಿಕ್ರಿಯೆಗಳು