😘
ಮದೀನಾದ ಕರುಣೆ
ಭೂಮ್ಯಾಕಾಶ ಸೋಲುವ ತೂಕ
ತೋರಿಕೆಯ ಪ್ರೇಮಗಳಿಗೆ
ಸಾಸಿವೆಯ ಕಿಮ್ಮತ್ತು

😘
ದುರಹಂಕಾರ ಹೊತ್ತ ಸಣ್ಣವರೇ
ಯಾ ಉಮ್ಮತೀ ಎಂದ
ಅನಕ್ಷರಿಯ ಅರಿಯಲು
ನಿನ್ಯಾವ ಪದವಿಯೂ ತೀರಾ ಕಡಿಮೆ

😘
ಅನಾಥರ ನಾಯಕ
ನೊಂದವರ ಸೈನಿಕ
ಮಹಮ್ಮದರ ಅಪ್ಪುಗೆಯಲಿ
ನಿರ್ಗತಿಕರೇ ಅಧಿಕ

😘
ಉಮರ್ ತಿಳಿದಿದೆಯೇ ?
ಬೊಟ್ಟು ಜೇನಿಗೂ ಅನುಮತಿಯ ಕೇಳಿದವರು
ನಾಯಿ ಸತ್ತರೂ ಉತ್ತರಿಸಬೇಕಾದೀತೆಂದು ಅತ್ತವರು
ನಿದಿರೆಯ ಸುಖಕ್ಕಿಂತ ಹಸಿದವರ ಹುಡುಕಿ ನಡೆದವರು
ಮುಹಮ್ಮದರ ಪ್ರೇಮವೆಂದರೆ
ನೀ ಹಿಂಬಾಲಿಸಬೇಕಿರುವ ಉಮರ್ ರ ನೆರಳು.

-ಹೃದಯವೆಲ್ಲ ಮುಹಮ್ಮದ್, ಹೃದಯ ಪೂರ್ತಿ ನೊಂದವರ ನಗು. ಸಲಾಮುನ್ ಅಲೈಕ್ ಯಾ ಹಬೀಬಿ.