ಮಮತಾ ಅರಸೀಕೆರೆ ಕವಿತೆ- ಪಟ ಹಾರುತ್ತದೆ..

ಮಮತಾ ಅರಸೀಕೆರೆ

ಆಗೀಗ ಬಿಕ್ಕಳಿಸುತ್ತಾ ಗಾಳಿ ಬಂದಾಗಲೆಲ್ಲ
ತೂರಿಕೊಳ್ಳುವ ಗಾಳಿ ಪಟ
ತನ್ನದೇ ಸಹಿ ಹಾಕುವ ಕನಸುಕಾಣುತ್ತಾ
ಸಾಗುತ್ತದೆ
ಆಕಾಶದ ಆಳ ಅಗಲಗಳನ್ನೆಲ್ಲಾ
ಅಳೆಯುವ ಉಮೇದಿನೊಂದಿಗೆ
ಕಾಲದೊಂದಿಗೆ ಕಸದಂತೆ ಕಿತ್ತೆಸೆದ,
ಜಗತ್ತುಗಳನ್ನು ಗುಡಿಸಿದ ಗಾಳಿಯೀಗ
ನಿಸ್ಸಾರ
ಕೀಳರಿಮೆಯಿಂದ ಮುದುಡುತ್ತದೆ
ಮೀರಿ ಪಟ ಹಾರುತ್ತದೆ.


ಎಳೆ ದಾರದೊಂದಿಗೆ ನಾಟ್ಯವಾಡುತ್ತದೆ
ಪಟ
ನಕಲಿ ರೆಕ್ಕೆಗಳ ಕಟ್ಟಿಕೊಂಡೂ
ಕೆಲವೊಮ್ಮೆ ನೆಲಕ್ಕುರುಳುವ
ಮನುಷ್ಯನನ್ನೇ ಅಣಕಿಸುತ್ತದೆ
ನೂರಾರೂ
ತೋಟದ ಹಲವಾರು ಹೂಗಳಿದ್ದೂ
ಬಣ್ಣ ಕಳೆದು ನರಳುವ ಭೂಮಿಗೆ
ಸವಾಲೆಸೆಯುತ್ತದೆ
ಹತ್ತಾರು ಗಾಳಿಪಟದೊಂದಿಗೆ
ಆಗಸ ರಂಗೇರುತ್ತದೆ
ಮುದುಡುವ ಮನಗಳ ಮೇಲೆ
ಕನಸೊಂದ ಚೆಲ್ಲಿ
ಮುಗುಮ್ಮಾದ ತುಟಿಗಳ ನಗುವರಳಿಸಿ
ಬದಲಾದ ಜಗತ್ತಿನ ವಸಂತಗಳ
ನವಿರುಳಿಸಿ
ಬೀಗುತ್ತದೆ
ಪಟ ಆಗಾಗ್ಗೆ ಬಾಗುತ್ತದೆ..

‍ಲೇಖಕರು avadhi

May 25, 2023

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: