ಬದುಕುವದು ಯಾಕೆ
ಕು ಸ ಮಧುಸೂದನ್
ಮನುಷ್ಯ ಬದುಕುವುದು
ಗೇಣು ಹೊಟ್ಟೆಗಾಗಿ
ತುಂಡು ಬಟ್ಟೆಗಾಗಿ ಮಾತ್ರವಲ್ಲ!
ಹಾಗಾಗಿದ್ದರೆ-
ಕೋಟೆಗಳ ಕಟ್ಟುತ್ತಿರಲಿಲ್ಲ
ರಾಜ್ಯಗಳು ಹುಟ್ಟುತ್ತಿರಲಿಲ್ಲ
ಗಡಿಗಳಿಗೆ ಸೈನ್ಯಗಳ ಅಟ್ಟುತ್ತಿರಲಿಲ್ಲ
ಅನ್ಯರ ಹೊನ್ನು ಹೆಣ್ಣು ಮಣ್ಣುಗಳ ಮೇಲೆ
ಅಧಿಕಾರ ಮುದ್ರೆಯನೊತ್ತಲು
ನಿದ್ದೆಗೆಟ್ಟು ತಂತ್ರ ಪ್ರತಿತಂತ್ರ
ವ್ಯೂಹಾದಿಗಳನ್ನು ಹೆಣೆಯುತ್ತಾ
ಆಯುಷ್ಯ ವ್ಯಯಿಸುತ್ತಿರಲಿಲ್ಲ
ಮನುಷ್ಯ ಬದುಕುವುದು
ಅನ್ನದ ಜೊತೆ ಅಹಂಕಾರಕ್ಕೆ
ಪ್ರೇಮದ ಜೊತೆ ಕಾಮಕ್ಕೆ
ಸ್ವನಾಶದ ಜೊತೆ ಸರ್ವನಾಶಕ್ಕೆ!
nice..very nice..
Nice one Sir
ಚೆನ್ನಾಗಿದೆ.
ಅತ್ಯಂತ ಸತ್ಯ