ಕಾಮನ ಹುಣ್ಣಿಮೆಗೆ ವಿರಹದಾರತಿ
ರಾಜೀವ ನಾರಾಯಣ ನಾಯಕ
ದಹಿಸಿಬಿಡು ನನ್ನೊಳಗಿನ ಮದನನನ್ನು
ಆದರೆ ಹೂವಿನಂತೆ ಎತ್ತಿಡು
ಮನದೊಳಗಿನ ಆ ರತಿಯನ್ನು
ಸುಟ್ಟುಬಿಡು ನನ್ನೆಲ್ಲ ಅವಗುಣಗಳನ್ನು
ಆದರೆ ದಯವಿಟ್ಟು ಮುಟ್ಟದಿರು
ಅವಳು ಮದಿರೆ ಸವರಿದ ತುಟಿಗಳನ್ನು
ಕರಕಲಾಗಿಸಿಬಿಡು ನನ್ನಿಡೀ ದೇಹವನ್ನು
ಆದರೆ ಕನಿಕರಿಸಿ ಇರಲು ಬಿಡು
ಎದೆಗೊತ್ತಿದ ಮೊಲೆ ಗುರುತನ್ನು
ಆರಿಸಿಬಿಡು ನನ್ನ ಉರಿಸುವ ಸಂಕಟಗಳನ್ನು
ಆದರೆ ಹಾಗೇ ಹಚ್ಚಿಡು
ವಿರಹದ ಕಿರು ಹಣತೆಯನ್ನು
ಭಸ್ಮಮಾಡಿಬಿಡು ಭವದ ಮೋಹಗಳನ್ನು
ಆದರೆ ಬೂದಿಯಾಗಲು ಬಿಡದಿರು
ನನ್ನೊಳಗಿನ ಕವಿಯ ಭಾವಗಳನ್ನು
ಚೆನ್ನಾಗಿದೆ
ಥ್ಯಾಂಕ್ಯೂ ಕಲಾ 🙂
ಥ್ಯಾಂಕ್ಸ್ ಅವಧಿ
ಬಹು ಚೆನ್ನ.
ಧನ್ಯವಾದ ಪ್ರಕಾಶಣ್ಣ 🙂