ಮೂಲ: ರಾಬಿಯಾ ಅಲ್ ಬಸ್ರಿ
ಕನ್ನಡಕ್ಕೆ: ಬಿ ಎಂ ಹನೀಫ್
ನನ್ನ ಆತ್ಮದೊಳಗೇ
ಒಂದು ದೇಗುಲ, ಗೋಪುರ, ಮಸೀದಿ, ಇಗರ್ಜಿ
ಅಲ್ಲಿ ನಾನು ಮೊಣಕಾಲೂರುತ್ತೇನೆ
ಪ್ರಾರ್ಥನೆಯು ನನ್ನನ್ನು ಮಾರ್ಪಡಿಸಬೇಕು
ಗೋಡೆಗಳೂ, ಹೆಸರುಗಳೂ ಇಲ್ಲದಂತೆ.
ಸಾರ್ವಭೌಮತ್ವವು ಏನನ್ನೂ ಬೆಳಗಿಸದ
ಪ್ರೇಮದ ತಾಣವೊಂದು ಇಲ್ಲವೆ?
ಭಾವೋತ್ಕರ್ಷವು ನಮ್ಮೊಳಗೇ
ಸುರಿಸುರಿದು ಇಲ್ಲವಾಗುವಲ್ಲಿ
ರೆಕ್ಕೆಗಳು ಪೂರ್ಣ ಜೀವಂತ ಆಗಿರುವಲ್ಲಿ
ಆದರೆ
ಮನಸು ಮತ್ತು ದೇಹಗಳೇ ಇಲ್ಲದಿರುವಲ್ಲಿ
ನನ್ನ ಆತ್ಮದೊಳಗೇ
ಒಂದು ದೇಗುಲ, ಸಮಾಧಿ, ಮಸೀದಿ, ಇಗರ್ಜಿ
ಅದು ಕರಗುತ್ತದೆ
ಅದು ಒಳಗೊಳಗೇ ಕರಗುತ್ತದೆ
ದೇವರು!
ಎನ್ನ ಕಾಲೇ ಕಂಭ
ದೇಹವೇ ದೇಗುಲ
ಶಿರ ಹೊನ್ನ ಕಳಸವಯ್ಯ
Waah … Kannada translation flows so well!