ನಾ ಮೊಗಸಾಲೆ ಹೊಸ ಕವಿತೆ – ಮೂರನೇ ಕಣ್ಣು…

ಡಾ ನಾ ಮೊಗಸಾಲೆ

ಸುಮ್ಮನೇ ಇದ್ದ ಮಗು ಬಳಪದಲಿ ಗೆರೆ ಎಳೆದಂತೆ
ಒಂದು ಮಧ್ಯಾಹ್ನದ ಹೊತ್ತು ಎರಡು ಗುಬ್ಬಿ
ಗಳು ಹಾರಿ ಬಂದುವು ಒಂದು ಮೊದಲು, ಆಮೇಲೆ
ಇನ್ನೊಂದು ನಮ್ಮ ಮನೆಯೇ ಬೇಕೆಂದು ಬಯಸಿ

ಚಿಂವ್ ಚಿಂವ್ ಗುಟ್ಟಿ ಆಚೀಚೆ ನೋಡಿ ಹಾರಾಡಿ
ಗೋಡೆ ಗಡಿಯಾರದ ಹಿಂದೆ ಕುಳಿತು
ನಮ್ಮ ಪ್ರತಿರೋಧ ಇಲ್ಲದ್ದು ನೋಡಿಯೇ ಗೂಡು
ಕಟ್ಟಿದುವು ಹಾಯಾಗಿ ಇರಲುಬಹುದೆಂದು

ಕೆಲದಿನಗಳ ಮೇಲೆ ಮೊಟ್ಟೆ, ಆಮೇಲೆ ಮರಿಗಳು
ಕಂಡು ಬಂದುವು ಮನೆಗೆ ಮೊಮ್ಮಕ್ಕಳು
ಬಂದಂತೆ ! ಖುಶಿಯಲ್ಲಿ ಬೀಗಿದೆವು. ಇವಳೋ
ಆಗ ತಾನೇ ಮದುವೆಯಾದಂತಾದಳು

ನಾವಿರದ ಹೊತ್ತು ಹಾವು ಹೇಗೋ ನುಗ್ಗಿ
ತಿಂದು ತೇಗಿತು ಗುಬ್ಬಿಗಳ ಮರಿಗಳ
ಅವು ಇಟ್ಟ ರೋದನಕ್ಕಿಂತ ಇವಳ ಕಣ್ಣೀರ ಹನಿ
ತೋಯಿಸಿತು ನನ್ನ ಬಲದ ಭುಜವ

ಹಾರಿ ಹೋದುವು ಅವು ಬಂದ ಹಾಗೇ ಇಲ್ಲಿ
ಉಳಿಯಬಾರದು ಇನ್ನು ಮುಂದೆ ಎಂಬಂತೆ,
ಆಮೇಲೆ ಕಳೆದಾರು ತಿಂಗಳುಗಳ ಮೇಲೆ
ಬಂದುವು, ಅವೇ ಅಥವಾ ಬೇರೆಯೇ?

ಗೂಡು ಕಟ್ಟಿದವು ಅವು ಗಂಡು ಹೆಣ್ಣಿನ ಮೇಲೆ
ಕುಳಿತು ಚಿಂವ್ ಚಿಂವ್‌ಗುಟ್ಟ ತೊಡಗಿ
ಕೊಂಡುದ ನೋಡಿ ಇವಳು ‘ಅಯ್ಯೊ! ಮತ್ತೆ
ಹಾವು ಬಂದರೆ ಉಳಿದೀತೆ ಇವುಗಳ ಮರಿ?’

ಎಂದು ಪ್ರಶ್ನಿಸಿ ನನ್ನ’ಸುಮ್ಮನಿರುವಿರಿ ಏಕೆ?
ಓಡಿಸಲು ಯಾಕಾಗದವುಗಳ?’ ಎಂದು ಹೇಳಿ
ಪೀಡಿಸಿದರೂ ನಾನು ಸುಮ್ಮನಿದ್ದೆ ‘ಈ ಪ್ರಕೃತಿ
ನಮ್ಮ ಕೈಯಲಿಲ್ಲ’ ಎಂದೆ ತಿರಸ್ಕರಿಸಿ

ನಾಲ್ಕು ದಿನಗಳ ಮೇಲೆ ಅಂಗಳದಿ ಹಾವೊಂದು
ಹರಿದಾಡುವುದು ನೋಡಿ ಭಯಪಟ್ಟೆ
ಆ ಎರಡು ಗುಬ್ಬಿಗಳು ಹಾರಿ ಹಾವಿನ ಮೇಲೆ
ಚೀರಿ ಓಡಿಸಹತ್ತಿದುವು, ಭಯ ಇಲ್ಲದೇ

ಹಾವು ಹೋಯಿತು ನನ್ನ ಚಪ್ಪಾಳೆಗೆ ಹೆದರಿ
ಹಾರಿ ಹೋದುವು ಗುಬ್ಬಿಗಳು ಅದೇ ಮರುದಿನವು
ಯಾರು ಹೇಳಿದರವಕ್ಕೆ ಈ ಠಾವು ಸುರಕ್ಷಿತವಲ್ಲ
ಎಂಬ ಮಾತನು ನಾವು ಹೇಳಲಾಗದ್ದು !’

‍ಲೇಖಕರು Admin

February 27, 2022

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: