-ಲಡಾಯಿ ಬಸು
ಸಾಲು ದೀಪ ಹಚ್ಚಿಟ್ಟ
ದೀಪಾವಳಿ ರಾತ್ರಿಯೂ
ಬೀದಿದೀಪದ ಕೆಳಗೆ ಮಲಗಿದ
ಗಾಯಗಳು
ರೈಲು ಸಿಳ್ಳಿಗೆ ಬಿಚ್ಚಿಬೀಳುವ
ಸುಖದ ಮುಲಗು
ಎತ್ತರದ ಗೋಡೆಗಳು
ಆಳದ ಕಂದರಗಳು
ಬಯಲ ತುಂಬಿದ ಮುಳ್ಳುಬೇಲಿಗೆ
ಸಿಗೆಬಿದ್ದ ಹರಿದ ಸೆರಗು
ಹೆಜ್ಜೆಗಳ ಮೇಲೆ ಹೆಜ್ಜೆಯೂರುವ
ಸದ್ದು
ಮನುಷ್ಯ ಶವಗಳ ಹುಡುಕುತ್ತ
ಅಲೆವ ರಣಹದ್ದುಗಳು
ಸ್ಪರ್ಶಜ್ಞಾನವಿಲ್ಲದೆ
ಬಿದ್ದ ಅಂಗಾಂಗಗಳು
ಒಂದು ಶವದಿಂದ ಇನ್ನೊಂದು ಶವ
ಬರುವರೆಗೆ
ಉರಿವ ಸ್ಮಶಾನದ ಹಣತೆ
ಇನ್ನೊದು ಹಣತೆ ಹಚ್ಚುತ್ತಿದೆ
ದು:ಖಿಸುತ್ತ …. ದೀಪಗಳ ಹಚ್ಚಿಟ್ಟ
ಈ ರಾತ್ರಿಯೂ
ಬೆಳಕನ್ನೇ ಕುಡಿಯುತ್ತ
ಮಲಗಿದೆ ನಿನ್ನೆಯಂತೆ ..!
ಅಲೆವ ರಣಹದ್ದುಗಳು
ಸ್ಪರ್ಶಜ್ಞಾನವಿಲ್ಲದೆ
ಬಿದ್ದ ಅಂಗಾಂಗಗಳು
ಒಂದು ಶವದಿಂದ ಇನ್ನೊಂದು ಶವ
ಬರುವರೆಗೆ
ಉರಿವ ಸ್ಮಶಾನದ ಹಣತೆ
ಇನ್ನೊದು ಹಣತೆ ಹಚ್ಚುತ್ತಿದೆ
ದು:ಖಿಸುತ್ತ …. ದೀಪಗಳ ಹಚ್ಚಿಟ್ಟ
ಈ ರಾತ್ರಿಯೂ
ಬೆಳಕನ್ನೇ ಕುಡಿಯುತ್ತ
ಮಲಗಿದೆ ನಿನ್ನೆಯಂತೆ ..!
suuuuperr sir