ಜೋಗಿ

ದಕ್ಷಿಣದಿಂದ ಬೀಳುವ ಬಿಸಿಲು
ಅಡಕೆ ಮರಗಳ ಗರಿಗಳನ್ನು
ಹಳದಿಯಾಗಿಸುವಂತೆ
ಅವಳ ನೆನಪು ಅವನ ವೃದ್ಧಾಪ್ಯವನ್ನು
ಕಡುವಾಗಿಸಿತ್ತು.
ಐವತ್ತೆಂಟು ವರುಷಗಳ ಹಿಂದೆ
ತನ್ನ ಎದೆಯನ್ನು ತೇವಗೊಳಿಸಿದ
ನಿಟ್ಟುಸಿರಿಗೆ
ಕಾರಣ ಹುಡುಕಬಾರದು ಎಂದು
ಕಿಟಕಿಯಿಂದ ಹೊರಗೆ ನೋಡಿದ.
ಹಳೆಯ ಪ್ರೇಮವೊಂದು
ಅಬ್ಬೇಪಾರಿ ನಾಯಿಯಂತೆ
ಒಳನುಗ್ಗಲು ಕಾಯುತ್ತಿತ್ತು.

ಮುದುಕ ಕಣ್ಣೆತ್ತಿ
ನಾಯಿಯತ್ತ ನೋಡಿದ.
ನಾಯಿಯೂ ಅವನನ್ನು ನೋಡಿತು,
ನಾಯಿಗೆ ಪೂರ್ವಜನ್ಮದ
ಸ್ಮರಣೆ ಇರುತ್ತದಂತೆ.
ತಾನು ಯಾವ ನಾಯಿಗೆ ಕಡಿಮೆ.
ಐವತ್ತೆಂಟು ವರುಷಗಳ ಮೇಲೂ
ಅವಳ ನೆನಪು