ಒಂದು ಕೊಕ್ಕರೆಯ ಕತೆ
ಕಾಜೂರು ಸತೀಶ್
ಮೋಡವನ್ನು ದಿಟ್ಟಿಸಿದಾಗಲೆಲ್ಲ
ಆನೆ,ಮೊಲಗಳೆಲ್ಲ ಆಟವಾಡುತ್ತಿರುವಂತೆ
ಗುಬ್ಬಚ್ಚಿಗಳು ಚೀಂವ್ ಚೀಂವ್ ಹಾಡಿ
ನಿಧಾನಕ್ಕೆ ಹಾರುತ್ತಿರುವಂತೆ ತೋರುತ್ತದೆ.
ಮನೆಯ ಹಿಂದಿರುವ ಗದ್ದೆಬದಿಯಲ್ಲಿ
ನೀರಿನಾಳಕ್ಕೆ ಕಣ್ಣುನೆಟ್ಟು
ಧ್ಯಾನಿಸುವ ಕೊಕ್ಕರೆಯ ಚಿತ್ರವನ್ನು
ಆ ಕೊಳ ಹಿಡಿದಿಟ್ಟುಕೊಂಡಿದೆ.
ಬಿರುಬೇಸಿಗೆಯಲ್ಲಿ
ಕೊಳ ಬತ್ತಿದ ಮೇಲೆ
ಕೊಕ್ಕರೆ ಕಾಣಿಸುತ್ತಲೇ ಇಲ್ಲ,
ಏನು ಸಂಭವಿಸಿತೊ ಏನೊ ಆ ಚಿತ್ರಕ್ಕೆ.
ಈಗೀಗ
ಕೆಲವೊಮ್ಮೆ
ಮೋಡವನ್ನು ದಿಟ್ಟಿಸಿದರೆ
ಕಣ್ಣ ತುಂಬ ಅದೇ ಕೊಕ್ಕರೆಯ ಚಿತ್ರ.
**
ಮಲಯಾಳಂ ಮೂಲ- ವೀರಾನ್ಕುಟ್ಟಿ
ಕನ್ನಡಕ್ಕೆ-ಕಾಜೂರು ಸತೀಶ್
ಭಾವನೆ ಕವಿತೆಯ ಭಾವ ಚನ್ನಾಗಿದೆ