ಆಕಾಶ ಮತ್ತು ಭೂಮಿ ಭೇಟಿಯಾಗುವುದೆಂದರೆ

ಬೀರು ದೇವರಮನಿ

ಭೂಮಿಯೊಂದಿರದಿದ್ದರೆ ಮನುಷ್ಯ ಕೂಡ ಸಾಯುತ್ತಿರಲಿಲ್ಲ

ಅವನನ್ನು ಹೂತಿಡಲು ಚೂರು ಜಾಗವೂ ಇರುತ್ತಿರಲಿಲ್ಲ..
ಅವನ ದೇಹವೊಂದು ಆಕಾಶದಂತೆ..
ಗರಿ ಬಿಚ್ಚಿ ಹಾರುವ ಪಕ್ಷಿಗಳ ಭಾಷೆಯನ್ನು ಸಲೀಸಾಗಿ ಅರ್ಥೈಸಿಕೊಳ್ಳುತ್ತಾನೆ .

ಅವನ ದೇಹ ಹೇಳುತ್ತಿದೆ
ಸ್ವರ್ಗದಿಂದ ಕಳಚಿ ಬಿದ್ದ ಎಲ್ಲ ವಸ್ತುಗಳಿಂದ ಈ ಭೂಮಿಯನ್ನು ಮಾಡಲಾಗಿದೆಯೆಂದು .

ಯಾರೊಬ್ಬರೂ ಅವನತ್ತ ನೋಡುತ್ತಿಲ್ಲ
ಪ್ರಮಾಣಿಕರಿಸುತ್ತಾನೆ ಪದೇ ಪದೇ ಗುರುತ್ವಾಕರ್ಷಣೆಯನ್ನು ಕೆಣಕಿ, ಧಿಕ್ಕರಿಸುತ್ತಾನೆ.
ಏನೂ ನಿರೂಪಿಸಲಾಗದಾಗ ತೆಪ್ಪಗೆ ಮನೆ ಕಡೆ ಹೊರಡುತ್ತಾನೆ .

ವ್ಯಕ್ತಿಯೊಬ್ಬ ಆಕಾಶವನ್ನು ತಲುಪಲಾರ
ಅಲ್ಲಿಂದ ಬೀಳುವ ಅನುಭವವನ್ನು ಅನುಭವಿಸಲಾರ…
ಇತ್ತ ಹಕ್ಕಿಗಳೆಲ್ಲವೂ ಕೂಡಿಕೊಂಡು ವಿಮಾನದ ಗಮ್ಯ ಹಾರಾಟದ ಕುರಿತು ನಿಬ್ಬೆರಗಿನಿಂದ ಮಾತನಾಡುತ್ತವೆ .

ಕೂಲಿಕಾರನೊಬ್ಬ ಕೋಣನಂತೆ ಹೊಲದಲ್ಲಿ ದುಡಿಯುವಂತೆ…
ಹಸುಗಳೆಲ್ಲವೂ ಸೇರಿಕೊಂಡು ಹಚ್ಚ ಹಸಿರಿನ ಹುಲ್ಲನ್ನು ತಿಂದು
ಕಸಾಯಿಕಾನೆಯಲ್ಲಿ ಕನಸು ಕಂಡಂತೆ .

ವ್ಯಕ್ತಿಯೊಬ್ಬ ವಿಮಾನದ ಹಾರಾಟದ ಕುರಿತು ಮಾತನಾಡಲಾರ
ಯಾಕೆಂದರೆ ಇಡೀ ನೆಲವೇ ದೇಹವನ್ನು ಹೊದಿಸಿರುವಾಗ ಆಕಾಶ ಕೂಡ ಇಲ್ಲವಾಗುತ್ತದೆ

ಈಗ ಆಗಸವೆಲ್ಲ ಖಾಲಿ ಖಾಲಿ… ಹಕ್ಕಿಗಳಿಲ್ಲದಂತೆ .
ಈ ಪವಿತ್ರ ಭೂಮಿಯನ್ನು ವಿಧ ವಿಧ ಹೂವುಗಳಿಂದ ಹೊದಿಸಲಾಗಿದೆ.