ನಿನ್ನ ನೆರಳು
ಸರೋಜಿನಿ ಪಡಸಲಗಿ
ಮುಸುಕಿರುವ ಮಬ್ಬ ಕಳಚಿ ಹಿಂದೆ ನೋಡಲಾರೆಯಾ
ಅಲ್ಲಿಹಳು ಅವಳು ನಿನ್ನ ನೆರಳು ನೀ ಇದನರಿಯೆಯಾ.
ಉಸಿರು ಉಸಿರಲ್ಲವಳು ನಿನ್ನ ಜೀವದಲ್ಲವಳು
ತೊರೆಯಲಹುದೇ ಆ ಉಸಿರು ಆ ಜೀವ ನೀ ಹೇಳು
ನೋಟ ನೋಟದಲ್ಲವಳು ಪ್ರತಿ ಮಿಡಿತದಲ್ಲವಳು
ಆ ನೋಟ ಆ ಮಿಡಿತ ಇರಲಹುದೇ ಇರದವಳು
ಇರಲಹುದೇ ಇರದೇ ಅವಳು.
ಸರಿಯುತಿಹ ಸಮಯದ ಪ್ರತಿ ಬಡಿತ ಅವಳು
ಮನದುಂಬಿ ನಿಂದ ನೆನಪ ಬಂಧ ಅವಳು
ನುಡಿಯುತಿಹ ಜೀವರಾಗದ ಶ್ರುತಿ ತಂತಿ ಅವಳು
ಸ್ವರದುಂಬೆ ಆ ರಾಗ ಅಲ್ಲಿಹಳು ತಿಳಿ ಅವಳು
ಅಲ್ಲಿಹಳು ತಿಳಿ ಅವಳು.
ಇನ್ನೇನು ಹೇಳಲಿ ತಿಳಿಯದಲ್ಲ ಗೆಳೆಯಾ
ನಿನ್ನ ಮನದ ನೋವು ಅವಳೆದೆ ತುಂಬ ಬಲ್ಲೆಯಾ
ಹೃದಯದಾಳದಿಹುದವಳ ಕಂಬನಿ ಮುತ್ತು ಕಾಣೆಯಾ
ನೀನಿಲ್ಲದವಳಿಲ್ಲ ನಿನ್ನ ನೆರಳು ಗೆಳೆಯಾ
ಅವಳು ನೆರಳು ಗೆಳೆಯಾ.
Splendid. Very nice
Premalatha B