ಸಿಂಧು ಭಾರ್ಗವ
ಅಪ್ಪ ಎಂಬ ಗಂಧದ ಕೊರಡಿಗೆ
ತೇಯುವುದೇ ಕೆಲಸ
ಘಮವನು ನಂಬಿ ನಡೆವ ಜೀವಗಳಿಗೆ
ಹರಡುವುದೇ ಕೆಲಸ//
ದುಡಿದು ದಣಿದು ಬೆವರ ಸುರಿಸಿ
ಮನೆ ಕಡೆಗೆ ನಡೆಯುವ
ನಗುಮುಖದ ಮಡಿದಿಯ
ಹಿತ ನುಡಿಗಳ ಬಯಸುವ//
ನಾಳಿನ ಕನಸಿಗಳ ಹೆಣೆಯಲು
ಕಸೂತಿಯಲಿ ತೊಡಗುವ
ಬಣ್ಣದ ಬಯಕೆಗಳ ನೀಗಿಸಲು
ದೇಹವ ಹುಣ್ಣಾಗಿಸುವ//
ಅಪ್ಪ ಮಗುವಾಗುವ
ಮೊಮ್ಮಗುವಿನ ಆಟಪಾಠವ ನೋಡುತ
ಅಪ್ಪ ಮೌನಿಯಾಗುವ
ತನ್ನೆಲ್ಲ ಸೇವೆಯನು ನೆನೆಯುತ//
ಅಪ್ಪ ಬಯಸುವುದು ಹಿಡಿ ಪ್ರೀತಿ,
ಕಾಳಜಿ ತುಂಬಿದ ಮಾತನು
ಇಳಿವಯಸಿನ ತಂದೆಗೆ ನೀಡಿ
ಧೈರ್ಯ, ಭರವಸೆಯನು//
0 ಪ್ರತಿಕ್ರಿಯೆಗಳು