ಅಂತಿಮವೂ ಇದೇ..

 ಆದಿವಾಲ ಗಂಗಮ್ಮ
ಹುಟ್ಟಿಕೊಂಡಿದ್ದಾರೆ ಆ ಅವರು
ರಕ್ತಬೀಜಾಸುರನ ಸಂತತಿಯವರು
ನಂಬಿಸಿ ಕತ್ತ ಕೊಯ್ಯುವವರೂ
ಬೆನ್ನಲ್ಲೇ ಇರಿಯುವವರು
ವ್ಯವಸ್ಥಿತ ಅಪಪ್ರಚಾರ ಮಾಡುವವರು
ಬೇಳೆ ಬೇಯಿಸಿಕೊಳ್ಳುವವರು
ಗೋಮುಖ ವ್ಯಾಘ್ರರು, ಉಸಿರೆತ್ತಿದವರ
ವಿರುದ್ಧ ಕತ್ತಿ ಮಸೆಯುವವರು, ಕಾಲೆಳೆಯುವವರು
ಬೇರಿನ ಬುಡಹೊಕ್ಕು ಗಿಡಕೇ ಅರಿವಾಗದಂತೆ
ಬೇರ ಕಡಿಯುವವರು, ರೆಂಬೆ ಕೊಂಬೆ ಕತ್ತರಿಸಿ
ಜೀವಂತ ಶವವಾಗಿಸುವವರು
ಅಸಲು ರಾಜಕೀಯವ ಮೀರಿಸಿ, ಸಂಸಾರಗಳಲಿ
ರಾಜಕೀಯ ಮಾಡಿ, ಅದನ್ನೆಕ್ಕಿ ನೀರ ಕುಡಿಯುವವರು
ಅದು ಬಿಡಿ
ಇಲ್ಲಿದ್ದಾರೆ ನೋಡಿ ಈ ಇವರು
ಹುಚ್ಚು ಜಮಾನದ ಪೆದ್ದು ಜನ
ಹಿತ್ತಾಳೆ ಕಿವಿಯವವರು
ಬೆಳ್ಳಗಿದ್ದದ್ದೆಲ್ಲಾ ಹಾಲು ಎನ್ನುವವರು
ಡೌಲು ದವಲತ್ತುಳ್ಳವರಿಗೆ ಮನಸೋತು
ಅವರ ಕೃಪಾದೃಷ್ಟಿಗೆ ಬೀಗಿ ಬಾಗಿ
ಧನ್ಯತಾಭಾವ ಹೊಂದುವವರು
ಚಪಾತಿ, ಪೂರಿ, ಪರೋಟ ಬೇಕಾದ್ದಂತೆ
ಈ ಇವರ ಲಟ್ಟಿಸಿ, ರುಚಿ ರುಚಿಯಾಗಿ ತಿಂದು
ಕೊಬ್ಬಿ, ತೀಟೆ ತೀರಿಸಿಕೊಳ್ಳುವ
ಆ ರಕ್ತಬೀಜಾಸುರನ ಹೇಡಿ ಸಂತತಿಗೆ
ನಾನೊಮ್ಮೆ ಲಟ್ಟಿಣಿಗೆ ಅಡಿ
ಬರುವೆನೆಂಬ ಅರಿವಿಲ್ಲ!
ಈ ಹಿತ್ತಾಳೆ ಕಿವಿಯವರಿಗೋ
ಆ ಅವರೆಲ್ಲರ ಹತ್ತು ಮುಖಗಳ
ಪರಿಚಯವಾಗುವ ಹೊತ್ತಿಗೆ
ಎಲ್ಲ ಸೂರೆಗೊಂಡು
ಕೋಟೆ ಬಾಗಿಲು ಹಾಕಿರುತ್ತದಲ್ಲ
ಎಂಥ ವಿಪರ್ಯಾಸ!!
ಆದರೂ ನಯವಂಚಕತನದ
ಕಣ್ಣುಮುಚ್ಚಾಲೆಗೂ ಒಂದು ಮಿತಿ ಇದೆ
ಸೀಮಾರೇಖೆಯಿದೆ, ಅಂತಿಮವೂ ಇದೆ

‍ಲೇಖಕರು nalike

May 30, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: