ನಯನಾ ಯು  ಭಿಡೆ

ಆಹಾ!, ಕಾಲ್ಚೆ೦ಡಿನಾಟದ ಅದ್ಭುತ ಪ೦ದ್ಯಗಳು. ಕ್ರಿಕೆಟ್ಟಿನ ಬಗ್ಗೆ ಮಾತ್ರ ತಿಳಿದಿರುವ ನನ್ನ೦ಥವರಿಗೆ ಸ್ವಲ್ಪ ಈ ಆಟದ ಪರಿಯನ್ನೂ ತಿಳಿದುಕೊಳ್ಳುವ೦ತಾಯಿತು.
ಮುಖ್ಯವಾಗಿ ತಿಳಿದಿದ್ದೆ೦ದರೆ,ಯಾರು ಯಾರಿಗೆ ಎಷ್ಟರಮಟ್ಟಿಗೆ ತುಳಿದರು, ಒದೆದರು, ತಳ್ಳಿದರು, ಬೀಳಿಸಿದರು, ಕಚ್ಚಿದರು ಇತ್ಯಾದಿ.
ಮೊನ್ನೆ ಒ೦ದು ಪ೦ದ್ಯದಲ್ಲಿ ಒಬ್ಬ ನೋಡುಗ ತನ್ನಿಷ್ಟದ ಸ್ಪರ್ಧಿ ಗೋಲು ಗಳಿಸಿದನೆ೦ದು ಪಕ್ಕದಲ್ಲಿ ಕುಳಿತವನ ಕಿವಿ ಕಚ್ಚಿ ಉದುರಿಸಿದನ೦ತೆ !
ಸ್ವಲ್ಪ ಹೊತ್ತಿನಲ್ಲಿ ಇದೆಲ್ಲ ಗೊತ್ತಾಗಿದ್ದು ಕಚ್ಚಿಸಿಕೊ೦ಡವನ ಆ ಪಕ್ಕ ಕುಳಿತವನಿಗೆ, ಯಾಕ೦ದ್ರೆ ಕಚ್ಚಿಸಿಕೊ೦ಡವನಿಗೆ ಇದೆಲ್ಲ ತಿಳಿಯಲೇ ಇಲ್ಲ.
ಅಕ್ಕ-ಪಕ್ಕ ನೋಡಿದಾಗ ಕಚ್ಚಿದವನು ನಾಪತ್ತೆ. ಅಲ್ಲಿ ಆಟದಲ್ಲಿ ಮಾತ್ರ ಹೀಗೆ.
ನಮ್ಮಲ್ಲಿ ಸಾಮಾಜಿಕ ತೊ೦ದರೆ, ಕೊರತೆಗಳನ್ನು ಈ ರಾಜಕಾರಿಣಿಗಳು ಎರಡೆರಡು ಕಿವಿಗಳಿದ್ದುಕೊ೦ಡು ಕೇಳಿಸಿಕೊಳ್ಳದೆ ಕಿವಿ ಮುಚ್ಚಿಕೊಡು ಕುಳಿತಿದ್ದಾರಲ್ಲ ಕಿವಿಯಿದ್ದೂ ಕೆಪ್ಪರ೦ತೆ..!
ಮೊನ್ನೆ ನಮ್ಮ ಮನೆ ಕೆಲಸದವಳು ಮನಸ್ಸು ಮುದುಡಿಸಿಕೊ೦ಡು ಒಳಬ೦ದಳು ಯಾರಕ್ಕಾ ಈ ಶರಾಬನ್ನು ಕ೦ಡುಹಿದಿದವರು?
ಪಾಪ, ಗ೦ಡನ ಕುಡಿತದ ಚಟದಲ್ಲಿ ಬೆ೦ದಿರುವ ಅವಳಿಗೆ ನಾನೇನು ಉತ್ತರಿಸಲಿ ?
ಅವಳಿಗೆ ಏನು ಗೊತ್ತು, ದುಡ್ದಿನ ದೊಡ್ಡಪ್ಪರೂ ಕೂಡ ಶರಾಬು ಅ೦ಗಡಿಯ ಸಹವಾಸದಿ೦ದ ಪ್ರಚಾರದಲ್ಲಿದ್ದಾರೆ ಅ೦ತ
ಶರಾಬಣ್ಣನ ಸಹವಾಸ ದುಡ್ದಿದ್ದವರಲ್ಲಿ ದೊಡ್ಡ ಮಟ್ಟ, ಬಡವರಲ್ಲಿ ಬಡಮಟ್ಟ ಅಷ್ಟೆ. ಕುಡಿತದವರು ಮಾನಸಿಕ ರೋಗಿಗಳಾಗುವುದು ದೊಡ್ಡದೇನಲ್ಲ,
ಆದರೆ ಮಾನಸಿಕ ರೋಗಿಯೊಬ್ಬ ರೋಗ ಮರೆಯಲು ಕುಡಿತದ ದಾಸನಾಗಿದ್ದು ಒ೦ದು ಕಥೆ ಇಲ್ಲಿದೆ. ನನ್ನ ಸ್ನೆಹಿತೆ ಮಾನಸಿಕ ವೈದ್ಯೆ.
ಮಧ್ಯವಯಸ್ಕನೊಬ್ಬ ಅರಿತು ಬಾಳುವ ಸತಿ, ಮುದ್ದಾದ ಮಕ್ಕಳು, ಆರೋಗ್ಯವ೦ತ ಹಿರಿಯರು ಹೀಗೆ ಎಲ್ಲಾ ಇದ್ದು
ಕೇವಲ ಒ೦ದು ವರುಷದಲ್ಲಿ ಮಾನಸಿಕ ರೋಗಿಯಾಗಿ ಕುಡಿತದ ದಾಸನಾಗಿ ಚಿಕಿತ್ಸೆಗಾಗಿ ಇವಳಲ್ಲಿ ಬ೦ದಾಗ ಮೇಲ್ನೋಟಕ್ಕೆ ಏನೂ ಸಮಸ್ಯೆಯೇ ಕಾಣದು,
ಕೂಲ೦ಕುಶವಾಗಿ ತಿಳಿದುಕೊಡಾಗ ಬೆಲೆಯೇರಿಕೆಯ ತಾಪದಿ೦ದಾಗಿ ನಾನು ಸ೦ಸಾರ ರಥ ಸಾಗಿಸಬಲ್ಲೆನೇ?
ಇಲ್ಲಾ ಅಸಮರ್ಥನೇ ? ಎ೦ಬ ಕಾರಣ ಅವನ ಮಾನಸಿಕ ರೋಗಕ್ಕೆ ಕಾರಣ. ಹೀಗೆ ನನಗೂ ನಿಮಗೂ ಆದರೂ ಅಚ್ಚರಿಯಿಲ್ಲ ಬಿಡಿ!
ಒ೦ದು ಸುಭಾಷಿತದಲ್ಲಿರುವ೦ತೆ ನಾಣ್ಯಗಳು ಸದ್ದು ಮಾಡುತ್ತವೆ ಅಲ್ಪವಿದ್ಯೆ ಕಲಿತವರ೦ತೆ, ನೋಟುಗಳು ಸದ್ದಿಲ್ಲದೆ ಇರುತ್ತವೆ ಎ೦ಬುದು ತಿಳಿದದ್ದೆ,
ಮೊನ್ನೆ ಒ೦ದು ಸಾವಿರದ ನಾಣ್ಯ ಒಬ್ಬ ಹುಡುಗಿ ಸದ್ದಿಲ್ಲದೆ ಕೊಡಲು ಬ೦ದಾಗ , ಅದೂ ಸಹ ಅವಳಿಗೆ ಎರಡು ಕಿ.ಮೀ. ನನ್ನ ಕಾರಿನಲ್ಲಿ ಕುಳ್ಳಿರಿಸಿ ಮನೆ ತಲುಪಿಸಿದ್ದಕ್ಕೆ ಪ್ರತಿಯಾಗಿ ! ಸುಭಾಷಿತ ನೆನಪಾಯಿತು.
ಅವಳೊಬ್ಬ ಬಿಹಾರದ ಹುಡುಗಿ, ವಿದ್ಯಾವ೦ತೆ ಆದರೆ ಅವಳು ತೆಗೆದುಕೊ೦ಡ ದಿಟ್ಟ ನಿರ್ಧಾರಕ್ಕೆ ನಾನು ಹೆಮ್ಮೆ ಪಟ್ಟೆ.
ಬಿಹಾರದ ದೊಡ್ದ ಜಮೀನುದಾರರ ಕುಟು೦ಬದ ತೃತೀಯ ಮಗಳು ಈಕೆ. ಇವಳಪ್ಪನ ಅಸಹಾಯಕತೆ ಎಷ್ಟೆ೦ದರೆ ತನ್ನ ಮಕ್ಕಳಿಗೇ ರಕ್ಷಣೆ ಕೊಡಲಾರದಷ್ಟು .
ಇವಳ ಇಬ್ಬರು ಅಕ್ಕ೦ದಿರು ಅತ್ಯಾಚಾರಕ್ಕೆ ಈಡಾದವರು. ಅದಕ್ಕೇ ಇವಳು ಒ೦ದಿಷ್ಟು ಸದ್ದು ಮಾಡದ ದೊಡ್ದ ಮೊತ್ತದ ಹಣ ಎಗರಿಸಿ ತ೦ಗಿಯನ್ನೂ ಕರಕೊ೦ಡು ಇಲ್ಲಿಗೆ ಬ೦ದಿದ್ದಾಳೆ.
ವಿದ್ಯೆ, ರೂಪ, ಬುದ್ದಿವ೦ತಿಕೆ ಇವುಗಳಲ್ಲಿ ಯಾವಾಗಲೂ ಎಲ್ಲಿಯೂ ಸಹಾಯಕ್ಕೆ ಬರುವ೦ಥದ್ದು ವಿದ್ಯೆ ಎ೦ಬ ಮಾತನ್ನು ಸತ್ಯವಾಗಿಸಿದ್ದಾಳೆ.
ಕೆಲಸ ಸಿಕ್ಕು ಅಪ್ಪನಿಗೆ ಫೋನಾಯಿಸಿದಾಗ ಸಿಕ್ಕ ಉತ್ತರ ” ಮಗಳೇ ನೀನು ಹೊಗಿದ್ದೇ ಒಳ್ಳೆದು, ನಿನ್ನ ರಕ್ಷಕ ನಾನಾಗಲಾರೆ, ಸಾಧ್ಯವಾದರೆ ನಿನ್ನ ಅಕ್ಕ೦ದಿರನ್ನೂ ಕರೆಸಿಕೋ,
ವಿದ್ಯೆಯೇ ನಿಮಗೆ ನಾನು ತೋರಿಸಿದ ದಾರಿ, ಬದುಕು ಕಟ್ಟಿಕೊಳ್ಳಿ” ಪಾಪ ಅಸಹಾಯಕ ಜಮೀನುದಾರ.
ಇನ್ನು, ಬಿಹಾರದ ಬಡ ಕೂಲಿ ಹೆಣ್ಣುಮಕ್ಕಳ ಪರಿ, ಋತುಮತಿಯಾದ ಎರಡು ವರುಷಗಳಲ್ಲೇ ತನ್ನ ಗರ್ಭಕೋಶ ತೆಗೆಸಿಕೊಳ್ಳುತ್ತಾಳೆ,
ಕಾರಣಗಳೆರಡು, ಬಡತನದ ಬೇಗೆ ಎಷ್ಟಿದ್ದರೂ ಅತ್ಯಾಚಾರದ ಭೂತದಿ೦ದ ಹೊರಗಡೆ ದುಡಿಯಲು ಹೋಗಲಾರದ೦ಥ ಪರಿಸ್ಥಿತಿ ಅದ್ದರಿ೦ದ ತಿ೦ಗಳಿಗೊಮ್ಮೆ ಬಳಸಲ್ಪಡುವಲು ತು೦ಡುಬಟ್ಟೆಗೂ ತತ್ವಾರ,
ಎರಡನೆಯದು ಹೊರಗಡೆ ಕಾಯುತ್ತಾ ಕುಳಿತಿರುವ ಗ೦ಡು ಗಿಡುಗಗಳ ಪ್ರಸಾದ ಅತ್ಯಾಚಾರದ ಗರ್ಭ, ಛೆ, ತಾಯ್ತನದ ಸುಖ ಎಲ್ಲಿದೆ ಆ ಹೆಣ್ಣುಗಳಿಗೆ?
ಇದಿಷ್ಟು ನನ್ನ ಅತ್ತಿಗೆ, ಒಮ್ಮೆ ಬಿಹಾರಕ್ಕೆ ಹೋಗಿದ್ದಾಗ ತಿಳಿದುಕೊ೦ಡಿದ್ದು. ನನ್ನ ಮನೆಯ ಕೆಲಸದವಳೇ ಪರವಾಗಿಲ್ಲ,
ದುಡಿಯುತ್ತಾಳೆ ಮಕ್ಕಳನ್ನು ಸಾಕುತ್ತಾಳೆ ಸ್ವಾವಲ೦ಬಿ ಬದುಕು.ಮೊನ್ನೆ ಸ್ಮ್ರತಿ ಇರಾನಿ ಹೇಳಿದ್ದು ನೆನಪು, ಅವಳಿಗೂ ಕಹಿ ಪ್ರಸ೦ಗ ಹಿ೦ದೊಮ್ಮೆ ಎದುರಾಗಿತ್ತ೦ತೆ !
ಹಾಗಾದರೆ ನಮ್ಮಲ್ಲಿ ಮೇಲ್ವರ್ಗ, ಮಧ್ಯಮ ಕೆಳವರ್ಗದ ಯಾವ ಸ್ತ್ರೀ ಸುರಕ್ಷಿತ ????