ರೋಹಿಣಿ ನಾಗ್
ಆಕ್ಷರದ ಅಕ್ಕರೆಯೇ ಸಾಕು
ನುಡಿಯ ಹಂಗೇಕೇ..?
ಅಸಂಖ್ಯಾತ ಸನ್ನೆ ಚಿನ್ಹೆಗಳೇ ಸಾಕು
ಸಂಖ್ಯೆಯ ಹಂಗೇಕೆ?
ವ್ಯಕ್ತಿತ್ವದ ಪರಿಚಯವೇ ಸಾಕು
ವ್ಯಕ್ತಿಯ ವಿಳಾಸವೇಕೆ…?
ಭಾವ ಬಕುತಿಗಳೇ ಶಾಶ್ವತವು
ವಿವರಣೆಯ ಹಂಗೇಕೆ ?
ಅದಾವ ವಿಚಾರ
ಎಚ್ಚರಿಸುವುದು ಮನವ
ನುಂಗಿದ್ದರೂ ಗುಳಿಗೆಯ
ಮುಚ್ಚಲಾಗದು ರೆಪ್ಪೆಯ
ಸಂತೈಸಲಿ ಹೇಗೆ
ರಚ್ಚೆ ಹಿಡಿದ ಎನ್ನಾತ್ಮವ.
ಮಗುವಿಗೊಂದು ಮಡಿಲ ಹಾಗೆ
ನೆತ್ತಿಯ ಮೇಲೊಂದು ಹಸ್ತದ ಹಾಗೆ
ಜೋಳಿಗಿಗೆ ಬಿದ್ದ ಹೋಳಿಗೆಯ ಹಾಗೆ
ಹಂಬಲಕ್ಕೊಂದು ಬೆಂಬಲದ ಹಾಗೆ
ಪತ್ರಕ್ಕೊಂದು ವಿಳಾಸದ ಹಾಗೆ
ನೀನಾದೆ ನನಗೆ.
ಮುತ್ತಿತ್ತು ಇರುವೆ ಮೊಳಕೆಕಾಳಿಗೆ
“ಕಲಿಸುವೆ ಪಾಠವ ಇವುಗಳಿಗೆ”
ಒರಗಿಸಿ ಪಾತ್ರೆಯ ಉರಿವ ಒಲೆಗೆ
ನೋಡುತ ನಿಂತೆ ಅರೆ ಫಳಿಗೆ
ಹಗೆಯ ಭಾವ ಒಳಗೊಳಗೆ.
ಹಾಕಿದ್ದೆ ಕೈಯ ಕಾದ ಪಾತ್ರೆಗೆ
ಕೆಂಪನೆಯ ಬರೆ ಬೆರಳುಗಳಿಗೆ
ಹಬೆಗೆ ಇರುವೆ ಓಡಿತ್ತು ಹೊರಗೆ
ನಗುತಿತ್ತು ನೋಡಿ ಮರೆಯಲ್ಲಿ ಮೆಲ್ಲಗೆ.
ತಿರುಗೇಟು ಕೊಟ್ಟಿತ್ತು ಗುರುವೆಂಬ ದೈವ
” ಬದುಕುವ ಹಕ್ಕು ಎಲ್ಲರಿಗೂ ಇದೆ ಅಲ್ವಾ,? ”
ಕಾಡಿದ್ದೆ ಬೇಡಿದ್ದೆ
ದೇವರ ಬೈದೂ ಇದ್ದೆ
ಬದುಕಲಿ ಗುರಿ ತೋರಲು
” ಗುರು ” ಕೇಳಿದ್ದೆ.
ಹೀಗೊಬ್ಬ ಗುರು ಸಿಕ್ಕ
ಮುಸ್ಸಂಜೆಯಲಿ
“ಮಗು ಬರೆದದ್ದ ತಾ ಇಲ್ಲಿ”
ಈತನಾಗಬಹುದೇ ದೀಪ
ತೋರಬಹುದೇ ಬೆಳಕ
ಈಗ ಹಿಡಿದಿರುವೆ ” ಹಲಗೆ ಬಳಪ ”
ತಿದ್ದುವೆ ಅಕ್ಷರ ಬೆಳಕು ಹರಿಯವ ತನಕ.
Very good lines
Thank you sir
ಸಂತಸವಾಯಿತು ಎನಗೆ
ಸಂತೈಸುವ ಪರಿಗೆ
ಮನಸಾವಂದಿಸುವೆ
Liked it. ..
Wow.. Very nice.
Kalvide Inda kaviytrige promotion ,it’s good
ಚೆನ್ನಾಗಿದೆ ಚೆನ್ನಾಗಿದೆ.
Thank you sir
ಮುದ್ದಾಗಿದೆ.
ಧನ್ಯವಾದಗಳು ಸರ್.
Thank you sir…….
Thank you Bhu…..