ನಾಗೇಶ್ ಹೆಗಡೆ 

ಖ್ಯಾತ ಅಂಕಣಕಾರರು / ವಿಜ್ಞಾನ ಬರಹಗಾರರು 

ಫ್ಲೆಕ್ಸ್ ಕುಂಡದಲ್ಲಿ ಅರಳಿದ ಹೂಗಳು:

ಬೆಂಗಳೂರಿನಲ್ಲಿ ಫ್ಲೆಕ್ಸ್ ಭಿತ್ತಿಪತ್ರಗಳನ್ನು ಕೀಳುವ ಅಭಿಯಾನ ಸರಿಯಾಗಿ ಒಂದು ತಿಂಗಳ ಹಿಂದೆ ಆರಂಭವಾಯಿತು. ಆ ದಿನಗಳಲ್ಲಿ ನಗರದ ಹೊರವಲಯದಲ್ಲಿ ಎಲ್ಲೆಂದರಲ್ಲಿ ಅವುಗಳನ್ನು ರಾಶಿ ಹಾಕಿ ಸುಟ್ಟು ಕಮಟು ಹೊಗೆ ಹಾರುತ್ತಿತ್ತು.

ನಾನು ಮತ್ತು ಪತ್ನಿ ರೇಖಾ ಅಂಥ ಕೆಲವನ್ನು ತಂದು ತೊಳೆದು, ಕತ್ತರಿಸಿ ಹೊಲಿದು…ಈಗ ಅವು ನಮ್ಮ ಟೆರೇಸ್ ಮೇಲೆ ಹೂ ಅರಳಿಸಿ, ತಂಗಾಳಿಗೆ ತಲೆದೂಗುತ್ತ ನಿಂತಿವೆ.

ಈ ಚಿತ್ರಗಳನ್ನು ಇಂದು ಇಲ್ಲಿ ಪ್ರಕಟಿಸಲು ಕಾರಣ ಏನೆಂದರೆ ಇಡೀ ರಾಜ್ಯದಲ್ಲಿ ಫ್ಲೆಕ್ಸ್ ಕೀಳಿಸುವ ಬಗ್ಗೆ ನ್ಯಾಯಾಧೀಶರು ಮಾತಾಡಿದ್ದಾರೆ. ಅವನ್ನೆಲ್ಲ ಸುಡುವ ಬದಲು ಬೇರೆ ಯಾವ ಯಾವ ರೀತಿಯಲ್ಲಿ ಬದಲೀ ಬಳಕೆ ಮಾಡಬಹುದೆಂಬ ಬಗ್ಗೆ ಗೆಳೆಯರು ತಮ್ಮ ಸಲಹೆ ನೀಡಬಹುದೆ?