ಸರೋಜಿನಿ  ಪಡಸಲಗಿ

ಯಾಕೆ  ಈ  ನೋವು  ನಿಟ್ಟುಸಿರು  ಗೆಳೆಯಾ
ಧ್ವನಿಸೀತು  ಆ  ನೋವು ಅವಳ ಮನದಂಗಳದಿ  ಗೆಳೆಯಾ

ಅವಳ  ನಗುವಿನ  ರಿಂಗಣ  ನಿನ್ನ
ಭಾವಲೋಕದಲ್ಲಿ
ಅವಳ  ಕನಸು  ನಿನ್ನ  ತುಂಬಿ ನಿಂದ
ಕಂಗಳಲ್ಲಿ
ಈ  ಬಾಳೇ  ಒಂದು  ಕನಸು  ಎಂದಾಗ
ಅದಕೆಲ್ಲಿ  ಇಹುದು  ಕೊನೆ  ಅದು
ಅನವರತವಯ್ಯಾ

ಅವಳಿಗಿಡಲ್ಲ  ಮೊರೆ  ಕರೆಯಲ್ಲ ಅವಳ
ಎಂಬೆ ನೀನು
ಸುಮ್ಮನಿರಬಲ್ಲಳವಳು ಅಂದು ಕೊಂಬೆಯಾ
ನೀನು
ನಿನ್ನ  ದುಃಖ  ನಿನ್ನ ನಗು  ಅವಳೆದೆಯ
ಗುಂಜನವೊ
ನಾ  ಹೇಗೆ  ಅದ  ಹೇಳಲಿ  ಹೇಗೆ  ತಿಳಿಸಲಿ
ನೀ ಹೇಳಲಾರೆಯಾ

ಬೇಡ  ಈ  ಅಳಲು  ಬೇಡ  ಬಿಸಿಯುಸಿರು
ಅವಳಿಹಳು  ನಿನ್ನ  ನೆನಪಿನ  ಹಂದರದಿ
ಹೂವಾಗಿ
ನಿನ್ನೆದೆಯ  ಬಾಂದಳದ  ಬೆಳ್ಳಿ  ತಾರಕೆಯಾಗಿ
ಮನದುಂಬಿ  ನಂಬಿದನ  ನಿನ್ನೊಲವು
ಅವಳು

ಅಳು  ನುಂಗಿ  ನಗು  ಒಮ್ಮೆ .ನಕ್ಕಾಳು
ಅವಳಲ್ಲಿ
ಆ ನಗು  ತಾನ ಹುಟ್ಟಿಸೀತು  ಪ್ರತಿ ಗಳಿಗೆ
ಯಲೆಯಲ್ಲಿ
ಜೀವರಾಗ  ಝೇಂಕರೀಸೀತು  ನಿನ್ನ ಹೃದಯ
ವೀಣೆಯಲ್ಲಿ
ನಾನೇ ಭಾಗ್ಯವಂತೆ  ಅಂದಾಳು  ಆಗ
ಅವಳಲ್ಲಿ