ಬೆಳಕ ಆಯುವ ಫಕೀರನೂ…
ಪ್ರವರ ಕುಂ ವೀ
ಎಲ್ಲೆಲ್ಲಿಂದಲೋ
ಕತ್ತಲ ಹಿಂಜಿ ಹೆಕ್ಕಿ
ಬೆಳಕನ್ನು ಆಯ್ದು ಜೋಡಿಸಿಟ್ಟುಕೊಂಡು
ಕಣ್ಣು ಸವೆಸಿಕೊಂಡಿದ್ದೇನೆ,
.
ಹಾಗೆಂದು
ನಾನೇನು ಕುರುಡನಲ್ಲ
ಚಿತ್ರ ಆಕ್ರಮಣಕಾರಿಯಾಗಿ
ಪರದೆಯ ಮೇಲೆ
ಮೂಡುತ್ತದೆ
ನನಗಷ್ಟೆ ಗೋಚರಿಸುವಂತೆ
ನಾನಷ್ಟೆ ತಡವರಿಸಿ
ನೋಡುವಂತೆ
.
ಹಣೆ ಬೆವರ
ಒಳಗಿಂದ
ಪ್ರತಿಫಲಿಸುವಾಗ
ಕೋಲ್ಮಿಂಚು ಗೋಡೆ ಬಣ್ಣಕ್ಕೆ
ಅಂಟಿಕೊಂಡಿತು,
.
ನನ್ನ ಪಾಡಿಗೆ ನಾನೆ ಸೂಜಿ
ಪೋಣಿಸಿಕೊಂಡು ಹೊಲಿದುಕೊಂಡಿದ್ದು
ಬೆಳಕಿನಂಗಿಯ,
ಮೈಗೇರಿಸಿಕೊಂಡು
ದಾರಿಯಲ್ಲಿ ನಡೆಯುತಿದ್ದರೆ
ಕಾಣದಂತೆ ಅಂಡು ಬಡಿದುಕೊಂಡು
ನಕ್ಕರು,
.
ಕತ್ತಲಲ್ಲಿ ಕರಗಿ
ಹೋಗಿದ್ದ ಅವರ್ಯಾರು
ನನಗೆ ಕಾಣಿಸಲಿಲ್ಲ
ಮುಂದಿದ್ದ ದಾರಿಯ ಹೊರತು,
ಬೇಕಿದ್ದವರು ಹೆಜ್ಜೆ ಎಣಿಸಿಕೊಂಡು
ಬರಲಿ,
ಗೆರೆಯ ಕೊನೆಗೆ
ಅಪರಿಮಿತ ಜಾಗವಿದೆ ಅಂಗಿಯೊಳಗೆ
ಎಳೆದುಕೊಳ್ಳುತ್ತೇನೆ ಕೈಯ ಚಾಚಿ.
ಚಂದ ಕವನ ಪ್ರವರ, ಚಿತ್ರ ಕೂಡ…
kviteya salueglu `belaka ayuv fakera’tumba chennagive..
ಚೆಂದದ ಕವಿತೆ ಪ್ರವರ. ಬೆಳಕ ಆಯುವ ಫಕೀರನನ್ನು ಚೆನ್ನಾಗಿ ಪರಿಚಯಿಸಿದ್ದೀರಿ.
– ಪ್ರಸಾದ್.ಡಿ.ವಿ.