ಅಕ್ವೇರಿಯಂ
ಕು ಸ ಮಧುಸೂದನ್ ನಾಯರ್
ಹಳೆಯದಾಯಿತು ಬಿಡಿ
ಕೂಪಮಂಡೂಕದ ಕಥೆ ವ್ಯಥೆ
ಇದು ಅಕ್ವೇರಿಯಂಗಳ ಕಾಲ
ಸಾಗರವೆಂದು ಬಾವಿಸಿ ಈಜುತ್ತಿವೆ
ಈ ತುದಿಯಿಂದ ಆ ತುದಿವರೆಗೂ
ಬಣ್ಣಬಣ್ಣದ ತರೇವಾರಿ ಮೀನುಗಳು
ಗಾಜಿನ ಗೋಡೆಗೆ ಡಿಕ್ಕಿ ಹೊಡೆಯುವ ತನಕ
ಗಾಜುಪೆಟ್ಟಿಗೆಯನ್ನೇ ಕಡಲೆಂದು ಬಾವಿಸಿದ
ಮೂರ್ಖ ಛೇ! ಛೇ!
ಮುಗ್ದ ಮೀನುಗಳು!
ಗೊತ್ತದರು ಮೋಸ ಹೋಗಿದ್ದು ಹೊರ ನೆಗೆಯಲಾಗುವುದಿಲ್ಲ
ಇರುವ ಮನೆಯಾಚೆಗೆ;
ಬುದ್ದಿವಂತರೆಂದುಕೊಂಡ ಮನುಷ್ಯರು ನಾವು
ಈಜುತ್ತಲೇ ಇದ್ದೇವೆ
ಸಮಾಜದ ಅಕ್ವೇರಿಯಂ ಒಳಗೆ
ಶತಮಾನಗಳಿಂದ
ವ್ಯವಸ್ಥೆಯ ಗಾಜಿನ ಪೆಟ್ಟಿಗೆ
ಒಡೆದು ಹೊರಬರಲಾರದೆ!
Nice concept.
People getting trapped in their own cocoons, some small, some small, some breakable, some unbreakable..
Beutifiul sir
ಕವನದ ಪ್ರತಿಮಾ ಶೈಲಿ ಚೆನ್ನಾಗಿದೆ.