ಶ್ರೀನಿವಾಸ  ಎಂ

1
ಅಕ್ಷರದ ಹಂಗು ಬೇಕಿಲ್ಲ!.
ಈ ದೇಹದೊಂದಿಗೆ ಬೂದಿಯಾಗಿ,
ಗಾಳಿ, ನೀರಿನೊಂದಿಗೆ ಬೆರೆತು,
ಮಾಯವಾದರೂ ಚಿಂತಿಲ್ಲ..
ನಿನ್ನ ನೆನಪುಗಳನ್ನು ಹಿಡಿದಿಡಲಾರೆ.
2
ಆಲೋಚನೆಗಳಿಗೆ ಬೇಲಿಯಿಲ್ಲ!
ದಿನವಿಡೀ ಹುಚ್ಚು ಹುಚ್ಚು ಯೋಚನೆಗಳು.
ಕನಸು-ನನಸುಗಳೆರಡೂ ಇಲ್ಲಿ ರಕ್ತಸಂಬಂಧಿಗಳು.
ಕೋಡಿ ಬಿದ್ದ ಭಾವನೆಗಳು.
ನೀನೇ ಎಲ್ಲದರಲ್ಲೂ ಅಂತರ್ಗಾಮಿ.
3.
ದಿಕ್ಕಿಲ್ಲದ, ಆದರೆ ಗುರಿಯೆಡೆಗಿನ ಪಯಣ!
ಮನದ ಮೂಲೆಯಲ್ಲಿ ಕಾಣದ ಸ್ಥಳಡೆಡೆಗಿನ ತುಡಿತ.
ನಡೆದಷ್ಟೂ ಮುಗಿಯದ ದಾರಿ.
ಹಸಿವು-ನೀರಡಿಕೆಗಲೇ ಸಂಗಾತಿ.
ನಿನ್ನ ಒಲವಿನ ಶಕ್ತಿಯೊಂದೇ ದಾರಿ ದೀಪ
4
ನಿನ್ನ ಕನಸುಗಳಿವೆ, ನೂರು ನೆನಪುಗಳಿವೆ
ನಿತ್ಯ ನಿನ್ನ ಕಣ್ಣಂಚಿನಲ್ಲಿ ಪದವ ಹುಡುಕುವ ಹುಡುಗ ನಾನು.
ನೆನಪುಗಳ ಹಂಗು ಬೇಕಿಲ್ಲ…ಕನಸುಗಳ ಕೋಟಲೆ ನನಗಿಲ್ಲ.
ನನಸಿನೊಂದಿಗೆ ದಿನಾ ಹೊಸ ಬದುಕು
ನಿನ್ನ ಪ್ರೇಮಕೆ ನಾನು ಋಣಿ!