ರೇಣುಕಾ ರಮಾನಂದ್
ನಾನೊಂದು ಮರ
ಹಿಂದೊಮ್ಮೆ ಹೆಣ್ಣಾಗಿ ಹುಟ್ಟಿ
ಬೆಂಕಿಯಿಂದ ಬಾಣಲೆಗೂ
ಪುನಃ ಬೆಂಕಿಗೂ ಜಿಗಿವ
ತಲೆತಲಾಂತರದ ರೂಢಿಯನ್ನು
ಪರಿಪಾಲಿಸಿಕೊಂಡು ಬಂದವಳು
ದೇಶಾಂತರಕ್ಕೆ ಹೋದ ಮಕ್ಕಳು
ಕೊನೆಯಬಾರಿ ಕಣ್ತುಂಬ ನೋಡಲು ದಕ್ಕದ
ನಿಟ್ಟುಸಿರನ್ನು ಹಾಗೆಯೇ ಬೈತಿಟ್ಟು
ಕ್ಷಯಪೀಡಿತ ಎದೆಗೂಡಿನೊಂದಿಗೆ
ಗಂಟಲು ಕಟ್ಟಿ ಸತ್ತವಳು
ಹೆಣ್ಣೆಂದರೆ ಒಂದು ಹೆಣ್ಣು
ಧಮ೯ದ ಬಗ್ಗೆ ಸುಮ್ಮನೆ
ಯಾಕೆ ತಲೆಕೆಡಿಸಿಕೊಳ್ಳುವಿರಿ
ಒಡಕು ಹಿಮ್ಮಡಿ ಮಾಯಲು ಬಿಡದೇ
ಸದಾ ಭೀತಿಯ ಬಿಚ್ಚುಗೊಡಲಿಯ ಹಿಡಿದು
ಹೆಣ್ಣುಗಳ ದುಡಿಸಿಕೊಳ್ಳುವುದು
ಎಲ್ಲ ಧಮ೯ಗಳ ಜನ್ಮಸಿದ್ಧ ಹಕ್ಕು
ಎಂದು ಎಲ್ಲರೂ ನಂಬಿದ್ದಾರೆ
ಬುಖಾ೯ಗಳು,ಗೌನುಗಳು,ತರಹೇವಾರಿ
ಬಣ್ಣದ ಸೀರೆಗಳು ಮರೆಮಾಡುತ್ತವೆ ನಮ್ಮ
ಒಣಕೆಮ್ಮುಗಳನ್ನು,ಸಪ೯ಸುತ್ತುಗಳನ್ನು
ನೆರೆಹಾವಳಿಯಂತಹ ಮಾಸಿಕ ಸ್ರಾವಗಳನ್ನು
ಅವರದೇ ಮಕ್ಕಳಿಗೆ ತಾಯಾದ
ಜೋಲು ಬಿದ್ದ ಹೊಟ್ಟೆಗಳನ್ನು
ಮತ್ತದರ ಮೇಲಿನ ಆಕಾರಕೆಟ್ಟ ಮೊಲೆಗಳನ್ನು
ಆದರೆ ಈಗ…?
ನಾನೊಂದು ಸುಂದರ ಮರ
ಏಕಾಂತದ ಬೆತ್ತಲೆಯನ್ನು
ಲೋಕಾಂತಕ್ಕೆ ಹರಡಿ
ಬಿಡುಬೀಸಾಗಿ ಬಯಲು ಆಲಯದಲ್ಲಿ
ನಿಂತಿದ್ದೇನೆ
ಒಂದು ಹಿಡಿ ಸುಡುವ ಬೀಜವನ್ನು
ಒಡಲೊಳಗಿಟ್ಟುಕೊಂಡ ಅಗ್ನಿಕನ್ಯೆಯರು
ನನ್ನ ಬಿರುಸು ತೊಗಟೆಯ ಮರೆಗೆ
ನಾಲ್ಕು ಹನಿ ಕಣ್ಣೀರು ಸುರಿಸಲು
ಬರಲಾರಂಭಿಸಿದಂದಿನಿಂದ
ಜಾತಿಗ್ಹುಟ್ಟಿದ ಬಿಕನಾಸಿ ಭಂಡರಿಗೆ
ನೆರಳು ನೀಡುವ ಕೆಲಸ ನಿಲ್ಲಿಸಿದ್ದೇನೆ
ಅವರ ಗರಗಸಗಳು
ನನ್ನ ಸ್ಪರ್ಶಿಸುವ ಮೊದಲೇ
ಸಾವಿರ ಹೋಳಾಗಿಸುವ ಬೇತಾಳವಿದ್ಯೆ
ಕಲಿತಿದ್ದೇನೆ
ಹ್ಹ…ಹ್ಹ…ಹ್ಹ…
ಸುಟ್ಟರೂ ಹೂಳಿದರೂ
ನಾನೊಂದು ಚಂದದ ಮರ
ವಾಗುವುದ ತಪ್ಪಿಸಲಾಗಲಿಲ್ಲ
ಈ ಸಾವ ಕೆಡುವ ಗಂಡರಿಗೆ
‘ಸಸ್ಯಗಳು ಚಲಿಸುವದಿಲ್ಲ’
ಅಹೋರಾತ್ರಿ ಪಾಠ ಓದುತ್ತಿವೆ ಮಕ್ಕಳು
ಕೇಳಿಸಿಕೊಳ್ಳಿ
ಹಿಂದೊಮ್ಮೆ ನಾನು ನಿಮ್ಮೆಲ್ಲರ
ಅಜ್ಜಿಯೋ,ಮುತ್ತಜ್ಜಿಯೋ ಆಗಿದ್ದೆ
ಉಕ್ಕಲಾರದ ಬಿಕ್ಕುಗಳನ್ನು
ಕೆಂಡದೊಲೆಯಲ್ಲಿ ಹುಗಿದಿಟ್ಟು
ಕೆಮ್ಮಿ,ಕೆಮ್ಮಿ ಸತ್ತಿದ್ದೆ
ಯಾವ ಶಾಲೆಗಳಲ್ಲೂ ವಿಜ್ಞಾನ
ಜನ್ಮಾಂತರದ ಪಾಠವನ್ನು ಕಲಿಸುವುದಿಲ್ಲ
ಆದರೆ ನನಗೆ ಚೆನ್ನಾಗಿ ನೆನಪಿದೆ
ನಾನು ಹಿಂದೊಮ್ಮೆ ಹೆಣ್ಣಾಗಿದ್ದೆ
ಬೆಂಕಿಯಿಂದ ಬಾಣಲೆಗೂ
ಬಾಣಲೆಯಿಂದ ಬೆಂಕಿಗೂ
ಜಿಗಿಯುತ್ತಿದ್ದೆ
ಈಗ
ನಾನೊಂದು
ಚೆಂದದ ಮರ
Vah……nice…..
Thank u very much
Olleya thattuva kavite.. smitha Amrithraj.
Thank u smita madam
Nice one Renuka
Thank u deepu
Nice lines 🙂
Thank u sujatha madam
ಚಂದದ ಕವಿತೆ. ವಾಚ್ಯ ಅನ್ನಿಸಿದರೂ ಪರಿಣಾಮಕಾರಿ. ಒಂದು ಪ್ರಬಂಧದ ವಿಸ್ತೃತತೆ, ತಲೆತಲಾಂತರದ ಕತೆ ಒಂದೇ ಕವಿತೆಯಲ್ಲಿ!!!! ಅನನ್ಯ
ತುಂಬಾ ಖುಷಿ ಸರ್
ಎಷ್ಟು ಚೆಂದದ ಕವಿತೆ ಅಕ್ಕಾ, ‘ಮರ ಮತ್ತು ಹೆಣ್ಣು’ ಪ್ರತಿಮೆ, ಕಥನ ಎಲ್ಲವೂ ಚೆಂದ ಚೆಂದ:)
ಓ ಕಾವ್ಯ ಪುಟ್ಟಿ ಥ್ಯಾಂಕ್ಯೂ
very nice renukha
Thank u deepthi
chennagide renuka, ishta aytu
Thank u vaishali
Chendid…
Vijeth thank u
eshtu chandavaagi barediddeera… pratee saaalinalliyu adeshtu arthavide…hennigu marakku holike chanda chanda…
Thank u padma…….
ರೇಣುಕಾ..ಸುಂದರ ಕವಿತೆ..ಎಲ್ಲಾ ಹೆಣ್ಣುಗಳ.ಮನದಾಳದ ದನಿ
ಓ ಥ್ಯಾಂಕ್ಯೂ ಮೇಡಂ
ರೇಣುಕಾ ನೀವು ಭತ್ತ ಬೆಳೆದ ಮಗಳ ಬಗ್ಗೆ ಓದಿದ ಕವನ – ಚಂದನ ಮಹಿಳಾ ಕವಿಗೋಷ್ಟಿ – ಕೇಳಿ ಬಹಳ ಖುಷಿಗೊಂಡಿದ್ದೆ. ಇಂದಿನ ಈ ಕವನ ಅಷ್ಟೇ ಖುಶಿ ತಂದಿದೆ. ಧನ್ಯವಾದ ನಿಮಗೆ.
ತುಂಬ ತುಂಬ ಖುಷಿ ಲಲಿತಾ ಮೇಡಂ
ಬಹುಕಾಲ ನನ್ನೊಳಗೆ ಉಳಿದುಬಿಡುವ ಕವಿತೆ.
Thank u sateesh
Very nie
ಮತ್ತೆ ಮತ್ತೆ ಓದಬೇಕೆನಿಸುವ ಕವಿತೆ