-ಉದಯಕುಮಾರ ಹಬ್ಬು

ಜಗದ ಒದ್ದೆಬಟ್ಟೆಯಾದ ಬವಣೆಗಳ‌ನ್ನು ಹಿಂಡಿ
ಹಗ್ಗಕ್ಕೆ ಹರವಿ ಒಣಗಿಸುವಂತಿದ್ದರೆ..
ಕಣ್ಣೀರೆಂಬ ಕಾಯನ್ನು ಈಳಿಗೆ ಮಣೆಯಲಿ ತುರಿದು
ಮೆಣಸು, ಕೊತ್ತಂಬರಿ, ಜಿರಿಗೆ ಅರಿಷಿಣ ಹಾಕಿ
ಮಿಕ್ಸಿಯಲಿ ರುಬ್ಬಿ ರುಚಿಕಟ್ಟಾದ ಸಾಂಬಾರು
ಮಾಡುವಂತಾದರೆ…
ಜಗದ ಹಸಿವನ್ನು ಇಬ್ಬನಿಗಳ ಹಾಗೆ
ಸೂರ್ಯ ಬಿಸಿಲಿನಲ್ಲಿ ಒಣಗಿಸಿ ಹಲಸಿನ
ಹಪ್ಪಳದ ಹಾಗೆ ಕುರುಕುರು ಚಪ್ಪರಿಸುವಂತಾದರೆ
ಹೆಣ್ಣುಗಳೆಂಬ ಬೆಂಕಿ ಗಂಡಸರೆಂಬ ಕಟ್ಟಿಗೆಯನ್ನು ಸುಡುವಂತಾದರೆ..
ಭೂಮಿ ಆಕಾಶಕ್ಕೆ ಏರುವಂತಾದರೆ..
ಸ್ವರ್ಗ ಹೂವಿನ ಜೊತೆ ನಾರಿಗೆ..