ಅಕ್ಕ ಕಂಡ ಕನಸೂ..?! – ಎಂ ಎಂ ಶೇಕ್ ಯಾದಗಿರಿ

ತೆರದ ಕಣ್ಣಲ್ಲಿ ಕಂಡ ಕನಸು

ಚಂದ್ರನದ್ದೋ ,ಸೂರ್ಯನದ್ದೋ …??!

ನನಗೆ ಸೂರ್ಯನನ್ನು ಹಿಡಿವ ಆಸೆ…

ಹಿಡಿಯುವದಷ್ಟೇ ಅಲ್ಲ, ಮುಡಿವ ಆಸೆ ಕೂಡ!!!

ಅತಿಯಾಗಿ ಬಯಕೆಗಳು ಹುಟ್ಟುತ್ತವೆ..

ಅವಕ್ಕೆ ಮಳೆಯೇನೂ ಬೇಡ …!

ಕೆಲವೊಂದು ಸಲ ನಾಯಿಕೊಡೆಗಳಂತೆ

ಮುಟ್ಟುವಲ್ಲೆಲ್ಲಾ ಎದ್ದುಬಿಡುತ್ತವೆ …

ನನ್ನಲ್ಲೇ ಹುಟ್ಟಿ, ನನ್ನಲ್ಲೇ ಬೆಳೆದು..

ಬಯಸುವುದು ನಿನ್ನನೆಂದರೆ ..ವಿಚಿತ್ರ !!

ಸಿಟ್ಟು ಬಂದು ಸೂರ್ಯನೆಡೆ ವಾಲುತ್ತೇನೆ..

ಕೈ -ಬಾಯಿ ಸುಟ್ಟುಕೊಂಡು..

ಅರೆಕ್ಷಣ ಸುಮ್ಮನಾಗುತ್ತೇನೆ…!!

ಹೀಗೂ ಇದ್ದಾವೆ ಮೊಗ್ಗುಗಳು ,ಹೂಗಳು..

ಅವು ಹೀಚಾಗುತ್ತವೆ,ಕಾಯಾಗುತ್ತವೆ ..ಕೊನೆಗೂ ,

ಹಣ್ಣಾಗುತ್ತವೆ …ಇದು ಸತ್ಯ ….ಇದರ

ಅರಿವು ಉಂಟಾಗಲು ಕೆಲವೊಮ್ಮೆ ಬುದ್ಧನನ್ನು ಅರಸುತ್ತ ..

ಅರ್ಧರಾತ್ರಿಗೆದ್ದು ಹೊರಟುಬಿಡುತ್ತೇನೆ…!!

ಕೊನೆಗೂ ದಕ್ಕಿದ್ದು ;ಬಯಸಿದ್ದಾವುದೂ ಅಲ್ಲ..

ಮರ ಹಾಗೂ ಮರದ ನೆರಳು…!

ಹೆಚ್ಚೆಂದರೆ ಮರದಿಂದ ಇಳಿಬಿದ್ದ ಬಿಳಲು….!!!

]]>