ಸತೀಶ ಕುಲಕರ್ಣಿ

೧
ಹತ್ತೂರು ತಿರುಗಿದರೂ ; ಅದೇ ಕನ್ನಡಿ-ಅದೇ ಮುಖ

೨
ಸಾವಿರ ಪತ್ರ ಕೊಡುವ ಮೋಸ್ಟಮನ್ನನ ಮನೆ, ನೀವು ಕಂಡಿರಾ, ನೀವು ಕಂಡಿರಾ ?

೩
ನಾನು ಬಹಳ ದೊಡ್ಡವನಿದ್ದೆ ; ನಿನ್ನ ಮೈ ಮುಟ್ಟಿ ಸಣ್ಣವನಾದೆ !

೪
ಸುಳ್ಳಿನಂಗಡಿಯಲ್ಲಿ ; ಸತ್ಯ ಮಾರಾಟಕ್ಕಿದೆ ಕೊಳ್ಳುವಿರೇನಣ್ಣಾ ?

೫
ಬೆಂಕಿ ಆರಿಲ್ಲ, ಬೂದಿ ಹಾರಿಲ್ಲ ತುಸು ದೂರದಲ್ಲಿ ಚಿಗಿಯುತಿದೆ ಕರಕಿ.

೬
ಅರಿವಿನಾ ದಾರಿಗೂ, ಮರೆವಿನ ದಾರಿಗೂ ಅದೆಷ್ಟು ಅಂತರ ?

೭
ನಾನು ಉಂಡುಗುಳಿದ ನೀರುಂಡು, ಅಂಗಳದಲ್ಲಿ ಹೂವರಳಿಸಿದೆ ಕಂಟೆ ನೋಡಾ !

೮
ಕಸ ಕಡ್ಡಿಲೇ ಕವಿತೆ ಕಟ್ಟುವ ಕಲೆ ಕಲಿಸಿದೆ ಗುಬ್ಬಿ

೯
ಸಣ್ಣ ಜೈಲಿಂದ, ದೊಡ್ಡ ಜೈಲಿಗೆ – ಈ ಮತಾಂತರ

೧೦
ಕತ್ತಲೆಯ ಮನೆಗೆ ಕಳಸಿ, ಬಂತು ಬೆಳಗು

೧೧
ಸತ್ಯಕ್ಕೆ ಸುರಂಗ ತೋಡುತಿದೆ, ಸುಳ್ಳಿನಾ ಸಿಡಿ ಮದ್ದುಗಳು