ಮಳೆಯಲ್ಲಿ ನಡೆದು
ನಾಗರಾಜ್ ಹರಪನಹಳ್ಳಿ, ಕಾರವಾರ
ಭಾನು ಭೂಮಿ ಅದೆಷ್ಟು
ದೀರ್ಘವಾಗಿ ಚುಂಬಿಸುತ್ತೆ
ನಾಚಿಕೆಯೇ ಇಲ್ಲ, ಅದು ಬಟ್ಟ ಬಯಲಿನಲಿ, ನಟ್ಟ ನಡು ರಸ್ತೆಯಲಿ
ವಾರವಾಯ್ತು ನಾಚಿಕೆ ಬಿಟ್ಟು
ಹೊಸ ಪ್ರೇಮಿಗಳಂತೆ
ನವವಧುವರರಂತೆ
ಕಾದ ಕಾವಲಿಯಂತಿದ್ದ
ವಿರಹದ ಬೇಸಿಗೆ ಕಳೆದಾಗಿದೆ
ಬಯಸಿ ಬಯಸಿ ಕೂಡಿಯಾಯಿತು ಎಂಬಂತೆ;
ಹಗಲೇ ದೀರ್ಘಪ್ರೀತಿ…ಮಳೆಗೆ ಅಂತ ಕಸುವು
ಇರಬೇಕು ಹತ್ತಿರ ಇದ್ದವರು ಮತ್ತಷ್ಟು
ಹತ್ತಿರವಾಗಿ ಪ್ರೀತಿಸುವಂತೆ
ಅಕ್ಕಪಕ್ಕ ಇದ್ದವರು ಮತ್ತಷ್ಟು ಗಟ್ಟಿ ಅಪ್ಪಿಕೊಂಡಂತೆ
ಮತ್ತೆ ದೀರ್ಘವಾಗಿ ಮಳೆಮೋಡ
ಭೂಮಿಯ ಸಂಭೋಗಿಸಿದಂತೆ
ಮುಗಿಯುವುದೇ ಇಲ್ಲ
ಮಳೆಯ ಸರಸ..
ಹಳೆಯದೆಲ್ಲಾ ನೆನಪಾಗಿ
ಎದೆಯಲ್ಲಿ ಮಳೆಯಾಗಿ
ನಿರ್ಜನ ರಸ್ತೆಯಲ್ಲಿ
ಅವನ ನೆನಪಾಗಿ ನಡೆದುಬಿಟ್ಟೆ
ಅಕ್ಕನಂತೆ
ಮಳೆ ನೆಲದೊಂದಿಗೆ ಪಿಸುಮಾತನಾಡುತ್ತಾ
ಶೃಂಗಾರದ ಮತ್ತಿನಲ್ಲಿರುವಾಗ
ಭೂಮಿಯೂ ನಗ್ನ, ನಾನೂ ನಗ್ನ
ಉತ್ತಮ ಮಳೆ ಗೀತೆ
Nice
ತುಂಬಾ ಒಳ್ಳೆಯ ಕವಿತೆ
lovely lovely…