ವಿದ್ಯಾ ಭರತನಹಳ್ಳಿ
ಶಬ್ದದ ಗಲಾಟೆಯಲ್ಲಿ
ಮೌನ ಹುಡುಕಬೇಕಿದೆ
ಕೇಳುವ ಕಿವಿಗಳಿಲ್ಲದಿದ್ದರೂ
ಈ ಬೀದಿಯಲ್ಲಿನ ಧೂಳು
ಕೂಡ ಶಬ್ದದ ತೇರ ಎಳೆಯುತ್ತದೆ.
ಈ ಹೂವು ಹೇಳಿತು
ನೀನು ಕೂಡ ಧ್ವನಿ ಸೇರಿಸು
ತುತ್ತೂರಿ ಊದಿಕೊ
ಮೌನ ಮಾತಾಗಲಿ.
ಮಾತು ಪತಾಕೆಯಾಗಲಿ
ಒಮ್ಮೆ ರಪ್ಪೆಂದು ಬೀಸಿ
ಬೀಸಿ ಹೊಡೆವಂತೆ,
ಮುಖಕ್ಕೊಂದು ಮುತ್ತನಿಟ್ಟಂತೆ
ಮುನಿಸಿಕೊಂಡಂತೆ
ಮೂಗೊಳಗೆ ಅತ್ತರ ಕೊಟ್ಟಂತೆ
ಅಥವ ನನ್ನ ಕಾಲ ಬಳಿ ಕುಳಿತು
ಸುದ್ದಿ ಹೇಳುವಂತೆ!
ಕೇಸರಿ,ಬಿಳಿ, ಹಳದಿ, ಕೆಂಪು
ಜಾಂಬಳಿ, ಗುಲಾಬಿ
ತರಹೇವಾರಿ ಮಾತು ಬಣ್ಣಗಳು.
ಕುಚ್ಚಣೆಯ ಮಾತಲ್ಲಿ
ಚುಚ್ಚುವವರು, ಚಚ್ಚುವವರು.
ಕಂಡ ಬಣ್ಣಕ್ಕೂ, ನಿಜದ ಬಣ್ಣಕ್ಕೂ
ಅಂತರಬಹಿರಂತರ.
ನಿನ್ನೊಂದಿಗೆ ಮಾತು ಬಿಚ್ಚಿ
ನಿರಾಳವಾಗಿ ಹಗುರಾಗಿಬಿಡಬಹುದು
ನನ್ನೊಳಗೂ ಹೊರಗೂ
ಒಂದೇ ಬಣ್ಣವೆಂದು ,ನಿನ್ನಂತೆ
ನಾನೆಂದು. ಎದೆಯಲ್ಲಿ
ಹೂವು
ಅರಳಲಿ ಎಂದು!!
Vidya Super Kavana Touching lines Really your Kavana talks so true please do write Don’t give gaps Love you
Beautiful Kavana Vidyakka..
Beautiful poem mam. Enjoyed reading it…
Akka. The beautiful poem.
ಇಷ್ಟವಾಯಿತು