…
ಸ್ಪೂರ್ತಿ ಗಿರೀಶ್

ಅರಳಿದ ಗುಲಾಬಿ  ಎಂಥ ಸಿಹಿ
ನನ್ನ ವಧುವಲ್ಲ ಅವಳು ಪ್ರೇಯಸಿ
ಗೆಳತಿ
ಚೈತನ್ಯ ತುಂಬುವ ಸಂಗಾತಿ
ಅವಳಲ್ಲಿಗೆ ನಾನು ಹಾರಲಾರೆ
ಅರಳಿದ ಹೂ ಅವಳು ಎಂಥ ಸಿಹಿ

ಈಗವರು ಕೈ ಚಪ್ಪಾಳೆ ಬಡಿಯುತ್ತಾ
ಗಟ್ಟಿಯಾಗಿ ಕಿರುಚಿ
ಒಂದೊಂದೆ ಪಕಳೆ ಕಿತ್ತೆಸೆಯುವಂತೆ
ಅವಳ ಮುತ್ತಿಕೊಂಡಿದ್ದಾರೆ
ಹಸಿರು ಹಳದಿ ಮಿಶ್ರಿತ
ದಪ್ಪ ಮೀಸೆಯ ಕಳ್ಳರುಜುಗಾರ
ಸಾವಿರಾರು ಹೂಗಳ ಸಾರ ಕುಡಿದವನು
ಅವನ ದಾಳಿಗೆ ಹೂಗಳು
ನರಳಿ ಸತ್ತ ಸಾಕ್ಷ್ಯ ಇವೆಯಂತೆ
ನನಗ್ಯಾಕೋ ಭಯ
ಗುಲಾಬಿಯೂ ಸತ್ತರೆ

ಕರಿ ಕಣ್ಣಿನ ಠೊಣಪ
ಗೊದ್ದದಂತಿರುವವನು
ಅವನ ಗರಗಸದಂತ ಹಲ್ಲು
ಅವಳ ಸುಕೋಮಲ ಮೈದಳ ಕೊರೆದುಹಾಕುವನು
ನನಗ್ಯಾಕೋ ಭಯ
ಗುಲಾಬಿಯೂ ಸತ್ತರೆ

ಅರಳಿದ ಹೂ ಅವಳು
ಪರಿಮಳವನ್ನು ಕುಡಿದೇ ನಾನು ಬದುಕಿದ್ದೇನೆ
ರೆಕ್ಕೆ ಕಳೆದುಕೊಂಡು ಪಾಪಿ ಹುಳವಾಗಿ
ಅವಳನ್ನು ಕೊಲ್ಲದಿರಿ
ಪಕಳೆಗಳು ಹಗುರ ಉದುರಿ ಹೋದಾಳು
ಕಿರುಚು ದನಿ ಕುಂಟುತ್ತಿದೆ
ಅಯ್ಯೋ
ನನಗ್ಯಾಕೋ ಭಯ ಗುಲಾಬಿಯೂ ಸತ್ತರೆ