– ‘ಶ್ರೀ’
ಕತ್ತಲೆಯ ಪದರಿನಲಿ ತುಂಬು ಮೌನ
ಮೆತ್ತನೆಯ ಮಂಚದಲಿ ರತಿಯ ಧ್ಯಾನ..
ಕಲ್ಪನೆಯ ಸರಪಳಿಗೆ ಹಲವು ಕೊಂಡಿ
ಭ್ರಮೆಗಳಲೇ ಹೊಳೆವ ಪುಟ್ಟ ಬೆಳಕಿಂಡಿ..
ಮೌನದೊಳಗೆ ಸದ್ದಿಲ್ಲ,ಖಾಲಿ ಏಕಾಂತ
ಏಕಾಂತದೊಳಗು ನೆನಪ ಲಯ ತಾಳ ಮಿಡಿತ!
ಶೂನ್ಯದೊಳು ಬೆರೆತೀತೇ ಚಪ್ಪಾಳೆಯಾ ಸದ್ದು
ತುಡಿತವದು ಮೊದಲಾಯ್ತು ಶೂನ್ಯದಲೇ ಚಪ್ಪಾಳೆಯೆದ್ದು..
ನಿಶೆಯೊಳಗೆ ರೆಪ್ಪೆಗಳಲಿ ಬಣ್ಣದಾ ಸಾಲು
ನೆನಪುಗಳ ಜೊತೆ ಕಳೆವಾಗ ತಿಳಿನೀರ ಕಡಲು..
ಕನವರಿಸಿದ ಕನಸುಗಳ ಲೆಕ್ಕ ತಲೆದಿಂಬಿಗಿಲ್ಲ
ನಾಜೂಕು ಸಂಚಲನ ಇನ್ನು ನನ್ನೊಳಗೇ ಎಲ್ಲ..
ಬಿಸಿಯುಸಿರ ಗೊಣಗಾಟ ಕತ್ತಲಿನ ಛಾಯೆಯಲಿ
ನೂರೆಂಟು ಏರಿಳಿತ ಹಸಿಮನದ ಮೂಲೆಯಲಿ..
ಯೌವನದ ಮೂಸೆಯೊಳು ಎಲ್ಲ ಕರಗುವ ಮುನ್ನ
ಮಿಣುಕು ದೀಪಕೆ ತೆರೆದ ಮೈಗೂ ಚಿನ್ನದಾ ಬಣ್ಣ..
ಕತ್ತಲೆಯ ಪದರಿನಲಿ ತುಂಬು ಮೌನ
ಮೌನದಲಿ ಸೃಜಿಸೀತೇ ಸೃಷ್ಟಿಯಾ ತನನ..
ಮೋಹದಾ ಸೆಳೆತಕೆ ವಾಸ್ತವಕೂ ಮಂಪರು
ಭ್ರಮೆಗಳಲೇ ಇಣುಕೀತೇ ಬೆಳಕು ಒಂಚೂರು…
Fidaa ri shree yavare… yeenu chandavaagi balasiddira “moose” pada naa “youvanadha mooseyolu” bahala chandada kalpanege rekke kottu haarsiddira…
good..very good..!shubhvaagali..
Thank you so much mmshaik 🙂
Tumbu hrudayada dhanyavaadagaLu Anonymous 🙂 tamma prOtsaaha heegE irli 🙂