ಯುದ್ಧ ಕಾಲವಾದ್ದರಿಂದ ಈ ಪೋಸ್ಟ್…

ಇಸ್ರೇಲ್ ಗೆ ರಕ್ತ ದಾಹ. ಪ್ಯಾಲೆಸ್ತೀನ್ ಅನ್ನು ನಿರ್ನಾಮ ಮಾಡಲು ಸಜ್ಜಾಗಿದೆ.

ಈ ಯುದ್ಧ ಮಕ್ಕಳ ಮೇಲೆ ಉಂಟುಮಾಡುವ ಪರಿಣಾಮ ಅಗಾಧ.

netflix ನಲ್ಲಿರುವ ಸಿನೆಮಾದ ಬಗ್ಗೆ ಒಂದು ಲೇಖನ

ಪ್ರಸಾದ್‌ ನಾಯ್ಕ್

ಯುದ್ಧವು ಯಾವುದೇ ಬಗೆಯದ್ದಾಗಿರಲಿ. ಲಕ್ಷ-ಕೋಟಿಗಳ ಸಂಖ್ಯೆಯಲ್ಲಿ ರೆಫ್ಯೂಜಿಗಳು ಸೃಷ್ಟಿಯಾಗಲೇಬೇಕು. ಹೀಗೆ ಹಲವು ಕಡೆಯಿಂದ ರೆಫ್ಯೂಜಿಗಳಾಗಿ ಬರುವ ನೂರಾರು ಕುಟುಂಬಗಳು ಆಶ್ರಯಕ್ಕಾಗಿ ಸ್ವೀಡನ್ ಸೇರುತ್ತವೆ. ಅರಾಜಕತೆ, ಯುದ್ಧದ ತೀವ್ರತೆಗಳನ್ನು ಅರಿಯುವುದು ಇಂತಹ ಕುಟುಂಬದ ಪುಟ್ಟ ಮಕ್ಕಳಿಗೆ ಹೇಗಾದರೂ ಸಾಧ್ಯ? ಹೊಸ ಪರಿಸರ, ಹೊಸ ಭಾಷೆ, ಹೊಸ ಶಾಲೆ, ಹೊಸ ಸಂಸ್ಕೃತಿ… ಹೀಗೆ ಪ್ರತೀಹೆಜ್ಜೆಯಲ್ಲೂ ಸವಾಲು.

ಇನ್ನು ಈ ಮಕ್ಕಳ ಪೋಷಕರಾಗಿರುವ ವಯಸ್ಕ ಸದಸ್ಯರಿಗೂ ಕೂಡ ಮುಗಿಯದಂತೆ ಕಾಣುವ ಅಭದ್ರತೆಯ ಭಾವ. ಹೊಟ್ಟೆಪಾಡಿನ ಸವಾಲು, ಕುಟುಂಬದ ಸುರಕ್ಷತೆಯ ಬಗ್ಗೆ ಚಿಂತೆ, ಮಕ್ಕಳ ಭವಿಷ್ಯದ ಬಗ್ಗೆ ಆತಂಕ, ತಲೆಯ ಮೇಲಿನ ತೂಗುಗತ್ತಿಯಂತಿರುವ ಗಡೀಪಾರಿನ ಭಯ… ಒಂದೇ, ಎರಡೇ?

ಈ ಎಲ್ಲಾ ಬಗೆಯ ಅಂಶಗಳು ಕೊನೆಗೆ ಕಂಗಾಲಾಗಿಸುವುದು ಪುಟ್ಟ ಮಕ್ಕಳನ್ನು. ಮೊದಲು ಆಟೋಟಗಳು ಕಮ್ಮಿಯಾಗುತ್ತದೆ. ನಂತರ ಏಕಾಗ್ರತೆ, ಆಸಕ್ತಿ, ಜಲಸೇವನೆ, ಆಹಾರ ಸೇವನೆ ಇತ್ಯಾದಿಗಳು. ಕೊನೆಗೆ ಈ ಮಕ್ಕಳು ಕೋಮಾಗೆ ಹೋದವರಂತೆ ದೀರ್ಘವಾದ ನಿದ್ದೆಗೆ ಜಾರಿಬಿಡುತ್ತಾರೆ. ಕೆಲವೊಮ್ಮೆ ವಾರಗಳ ಕಾಲ, ತಿಂಗಳುಗಳ ಕಾಲ. ಒಂದು ಮಗುವಂತೂ ವರ್ಷ ಕಳೆದರೂ ತನ್ನ ನಿದ್ದೆಯಿಂದೆದ್ದು ಹೊರಬಂದಿಲ್ಲ. ಮಗು ಉಸಿರಾಡುತ್ತಿದೆ ಅನ್ನುವುದನ್ನು ಬಿಟ್ಟರೆ ಅದು ಜೀವಂತವಾಗಿದೆ ಎನ್ನುವುದಕ್ಕೆ ಬೇರ್ಯಾವ ಲಕ್ಷಣಗಳೂ ಕಾಣುತ್ತಿಲ್ಲ.

ಇದು ಸ್ವೀಡನ್ನಿನಲ್ಲಿ ಇತ್ತೀಚಿನ ಕೆಲ ವರ್ಷಗಳಲ್ಲಿ ಪತ್ತೆಹಚ್ಚಲಾದ ರೆಸಿಗ್ನೇಷನ್ ಸಿಂಡ್ರೋಮ್ ಎಂಬ ಹೊಸ ಖಾಯಿಲೆ. ಮನೆಯಲ್ಲಿ ಸದಾ ಗಲಗಲ ಎಂದು ಓಡಾಡಿಕೊಂಡಿರುವ ಮಗುವೊಂದು ಹೀಗೆ ಅಚಾನಕ್ಕಾಗಿ ತಿಂಗಳುಗಟ್ಟಲೆ, ಹೆಣದಂತೆ ಮಲಗಿಬಿಟ್ಟರೆ ಹೆತ್ತವರಿಗೆ ಅದಕ್ಕಿಂತ ದೊಡ್ಡ ನೋವು ಬೇರೇನಿದೆ?

ಇಷ್ಟಿದ್ದರೂ ಮನುಷ್ಯನಿಗೆ ಯುದ್ಧ ಬೇಕು. ಇಷ್ಟಾದರೂ ಮನುಷ್ಯ ಇತಿಹಾಸದಿಂದ ಏನನ್ನೂ ಕಲಿಯುವುದಿಲ್ಲ!

‍ಲೇಖಕರು Avadhi

May 15, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: