ಮೊದಲಾವುದು ?
-ಅಕ್ಕಿಮಂಗಲ ಮಂಜುನಾಥ
ಕೋಳಿ ಹೊಟ್ಟೆಯಿಂದ ಪುಟ್ಟ
ಮೊಟ್ಟೆ ಇಟ್ಟಿತು
ಮೊಟ್ಟೆಯಿಂದ ಸೊಟ್ಟದಾದ
ಮರಿ ಹುಟ್ಟಿತು
ಮೊಟ್ಟೆಯಿಂದ ಕೋಳಿಯಾಗಿ
ಕೋಳಿಯಿಂದ ಮೊಟ್ಟೆ
ಎರಡರಲ್ಲಿ ಮೊದಲಾವುದು
ಯಾರಿಗಾದ್ರೂ ಗೊತ್ತೇ ?
ಹಲವು ಮತದ ಅಂಧರೆಲ್ಲ
ನೂರು ಕತೆಯ ಹಬ್ಬಿಸಿ
ಲೊಳಲೊಟ್ಟೆಯ ಬಿಡುವರಣ್ಣ
ಕೇಳುವವರ ನಂಬಿಸಿ
ವೇದಾಂತಿ ವಿಜ್ಞಾನಿ ಕೊಡರು
ಇದಕ್ಕೆ ಉತ್ತರ
ಕೇಳಿದೊಡನೆ ತಲೆಯ ಕೆರೆದು
ಆಗುತಿಹರು ತತ್ತರ
ಯಾವುದಾದರೇನು ಮೊದಲು ?
ಕೋಳಿ ಅಥವ ಮೊಟ್ಟೆ
ಸುಟ್ಟು ತಿನಲು ರುಚಿಯಾಗಿದೆ
ತುಂಬುವುದು ಹೊಟ್ಟೆ.
ಕರೆಕ್ಟ್ ಮಂಜುನಾಥ್, ಕೋಳೀನೋ ಅದರ ಮೊಟ್ಟೇನೋ ಯಾವುದಾದ್ರು ಮೊದಲು ಬರ್ಲಿ ಆಮೇಲೆ ಬರ್ಲಿ ನಮಗೇನು…. ತಿಂದ್ರೆ ಎರಡೂ ಒಂದೆ. ಕರೆಖ್ಟ್ ಅಹ್ಹಹ್ಹ್ಹ