ಎಂ ಆರ್ ಭಗವತಿ

ಅಲ್ಲಿ ಹುಟ್ಟುವ ಗಾಳಿಗೆ ಇನ್ನೊಂದು ಹೆಸರಿಡೋಣ…

ಕೃಪೆ: ಕನ್ನಡಪ್ರಭ

ಏಕೆಂದರೆ   ಅದು ನಿನ್ನ ಕನವರಿಸಿದ ಸರಿರಾತ್ರಿ ನೀನು ಸಾವಕಾಶ ನಡೆದು ಬರುವಾಗ ದೀವಟಿಗೆಯ ಬೆಳಕು ಓಣಿಯಲ್ಲಿ !   ದೊಂದಿ ಹಿಡಿದ ಮಂದಿ ಕಾಡಿನ ದಾರಿಯಲ್ಲಿ ನಿನ್ನ ಹಿಂದೆ ನಡೆದು ಬರಬಹುದಿತ್ತು ಆನಭಿಷಕ್ತ ರಾಣಿಯಂತೆ ಧರೆಯಲ್ಲಿ ಮೆರೆವ ದೇವತೆಯಂತೆ ಗಾಂಭೀರ್ಯದ ನಗುವಿನಂತೆ, ಘನತೆವೆತ್ತ ಅಳುವಿನಂತೆ !   ಹಾಗೆ ನಾನು ನೋಡುವಾಗ, ಹತ್ತಿರ ಸುಳಿದೆ ತಂಗಾಳಿಯಂತೆ ಮೆಲ್ಲಗೆ ಬಂದೆ ಮೋಂಬತ್ತಿಯಲ್ಲಿ ಸರಿವ ಸಾದಾ ಬೆಳಕಿನಂತೆ ಬೆದರಿದ ಹುಲ್ಲೆಯಂತೆ ದೀವಟಿಗೆಯ ಸರಿಸಿದೆ ಸಾವಕಾಶ ನ ಡೆ ದು ಬಂದೆ ಕಾರ್ತೀಕದ ಬೆಳಕಿನಂತೆ   ನೀನು ಸಾವಾಕಾಶ ನಡೆದು ಬರುವಾಗ ದೀವಟಿಗೆಯ ಬೆಳಕು ಓಣಿಯಲ್ಲಿ   ದೀವಟಿಗೆ ಹತ್ತುಪಟ್ಟು ಉರಿಯಿತು !!  ]]>